കൊല്ലം: തിരുവോണ നാളിൽ ഡ്യൂട്ടിയിലുണ്ടായിരുന്ന സിറ്റിയിലെ മുഴുവൻ പൊലീസുകാർക്കും ഓണസദ്യ ഒരുക്കി ഡിസ്ട്രിക് ഹെഡ് ക്വാർട്ടർ ക്യാമ്പിലെ പൊലീസുകാർ. വിഭവസമൃദ്ധമായ സദ്യയും പായസവും സേനാംഗങ്ങൾക്കായി തയ്യാറാക്കിയും അത്തപ്പൂക്കളം ഇട്ടും ഓണക്കളികൾ സംഘടിപ്പിച്ചും തിരുവോണം ആഘോഷിച്ചു.
സദ്യ ഒരുക്കിയ വിനോദ്, സുനിൽ എന്നിവരെ ചടങ്ങിൽ ആദരിച്ചു. റിസർവ് ഇൻസ്പെക്ടർ അനീഷ്, ഡ്യൂട്ടി ഓഫീസർ സുനിൽകുമാർ, കെ.പി.ഒ.എ ജില്ലാ സെക്രട്ടറി ജിജു.സി.നായർ, കെ.പി.ഒ ജില്ലാ സെക്രട്ടറി വിമൽ കുമാർ, സൊസൈറ്റി സെക്രട്ടറി സനോജ്, ലൈബ്രറി സെക്രട്ടറി ഹാഷിം, പൊലീസ് ഓഫീസർമാരായ ഉണ്ണി രാജ, നെരൂദ, ബൈജു, സജി, റെജിൻ രാജ്, കണ്ണൻ, വൈ.സാബു എന്നിവർ നേതൃത്വം നൽകി.