പുനലൂർ : ഓണക്കാലം പ്രമാണിച്ച് എക്‌​സൈസ് സംഘം പുനലൂർ തൊളിക്കോട് പ്രദേശത്ത് നടത്തിയ റെയ്ഡിൽ 1.41 കിലോഗ്രാം കഞ്ചാവ് പിടിച്ചെടുത്തു. ഇതുമായി ബന്ധപ്പെട്ട് പരവട്ടം തോട്ടിറക്കത്ത് പുത്തൻവീട്ടിൽ രാജുവിനെ അറസ്റ്റ് ചെയ്തു.
പുനലൂർ സർക്കിൾ ഇൻസ്‌​പെക്ടർ എ.ഷെമീർ ഖാന്റെ നേതൃത്വത്തിലായിരുന്നു റെയ്ഡ് ഇൻസ്‌​പെക്ടർ ജെ.റെജി, അസിസ്റ്റന്റ് ഇൻസ്‌​പെക്ടർ വൈ.ഷിഹാബുദ്ദീൻ, പ്രിവന്റീവ് ഓഫീസർ റെജിമോൻ, സിവിൽ ഓഫീസർമാരായ റിൻജോ വർഗീസ്, മാത്യുപോൾ,ഡ്രൈവർ രജീഷ്‌​ലാൽ എന്നിവരും പങ്കെടുത്തു.