കൊല്ലം: ലോക ടൂറിസം ദിനത്തോടനുബന്ധിച്ച് ശാസ്താംകോട്ട ദേവസ്വം ബോർഡ്‌ കോളേജിലെ ഭൂമിത്രസേന ക്ലബ്, എൻ.എസ്.എസ് യൂണിറ്റ്, റെസ്പോൺസിബിൾ ടൂറിസം ക്ലബ്, ബോട്ടണി വിഭാഗം, ടി.കെ.എം കോളേജ് ഒഫ് ആർട്സ് ആൻഡ് സയൻസിലെ ഭൂമിത്രസേന ക്ലബ് എന്നിവരുടെ സംയുക്താഭിമുഖ്യത്തിൽ ശാസ്താംകോട്ട തടാക തീരം ശുചീകരിച്ചു. പങ്കെടുത്ത അദ്ധ്യാപകരും വിദ്യാർത്ഥികളും സ്വച്ഛത പ്രതിജ്ഞയെടുത്തു. പ്രിൻസിപ്പൽ ഡോ. കെ സി. പ്രകാശ് അദ്ധ്യക്ഷനായി. തടാക സംരക്ഷണ സമിതി ജനറൽ കൺവീനറും എഴുത്തുകാരനുമായ ഹരി കുറിശേരി ഉദ്ഘാടനം ചെയ്തു. ടി.കെ.എം കോളേജ് ഒഫ് ആർട്സ് ആൻഡ് സയൻസിലെ പ്രൊഫ. മുംതാസ് സ്വച്ഛത ഹി സേവ എന്ന പരിപാടിയുടെ പ്രസക്തിയെക്കുറിച്ച് സംസാരിച്ചു. ഭൂമിത്ര സേന കോ-ഓഡിനേറ്റർ ലക്ഷ്‌മി ശ്രീകുമാർ സ്വാഗതം പറഞ്ഞു. ഭൂമിത്രസേന ക്ലബ് അംഗങ്ങളായ ഡോ.ശ്രീകല, ലൈബ്രറിയൻ ഡോ. പി.ആർ. ബിജു, ബോട്ടണിവിഭാഗം മേധാവി ഡോ. ഗീതാകൃഷ്ണൻ നായർ, തടാക സംരക്ഷണ സമിതി ഭാരവാഹികളായ ശാസ്താംകോട്ട ഭാസ്, സൈറസ് പോൾ, ശാസ്താംകോട്ട റഷീദ് തുടങ്ങിയവർ പങ്കെടുത്തു. ഭൂമിത്ര സേന ക്ലബ് കോ- ഓർഡിനേറ്റർമാരായ അതുൽ, ശിവം, ഷിബി, ദേവിക. കേരള ടൂറിസം ക്ലബ് കൊല്ലം ജില്ലാ കോർഡിനേറ്റർ സുധിന്ത്രനാഥ്‌, ഡി.ബി കോളേജ് ടൂറിസം കൺവീനർ സംഗീത്, എൻ.എസ്.എസ് വോളണ്ടിയർമാരായ ദേവു, ദേവിക, ആർഷ, ശ്രീരാജ്, അൻസൽ തുടങ്ങിയവർ പങ്കെടുത്തു.