ഇരവിപുരം: മയ്യനാട് കല്ലാറാംതോട് ഷെഫീഖുൽ ഇസ്‌ലാം മദ്രസയുടെ നേതൃത്വത്തിൽ നബിദിനാഘോഷവും പ്രഭാഷണവും സമ്മാന വിതരണവും നടത്തി. ചാമക്കട ടൗൺ ജുംആ മസ്ജിദ് ചീഫ് ഇമാം അൽ ഹാഫിസ് മുഹമ്മദ് ശിബ്‌ലി മൗലവി അൽ ഖാസിമി ഉദ്ഘാടനം ചെയ്തു. പ്രസിഡന്റ് ഷറഫുദ്ദീൻ ആശാൻ അദ്ധ്യക്ഷനായി. കല്ലാറാംതോട് മസ്ജിദ് ഇമാം ഉസ്താദ് അൽത്താഫ് അഹ്‌സനി നബിദിന പ്രഭാഷണം നടത്തി. ജോനകപ്പുറം വലിയപ്പള്ളി വൈസ് പ്രസിഡന്റ് എസ്.നാസറുദ്ദിൻ, വലിയപള്ളി ഫിനാൻസ് കമ്മിറ്റി അംഗം ഹബീബ് സേട്ട്, വിശിഷ്ടാതിഥി ടി.കെ.സുൽഫി, ചാമക്കട ഹമീദിയ്യാ മസ്ജിദ് ഭാരവാഹികളായ ഹബീബ് കൊല്ലം, മുഹമ്മദ് അനീസ്, ഷഫീക്കുൽ ഇസ്‌ലാം മദ്രസ ഭാരവാഹികളായ തിട്ടയിൽ നിസാം, ഷോക്ക്, വഹാബ് മുസ്ലിയാർ, ഇസ്മായിൽ, ഷാജഹാൻ, ബാബു നൗഷാദ്, ബാബു മൈതീൻ എന്നിവർ പങ്കെടുത്തു.