കൊല്ലം: ഗാന്ധി ജയന്തി ദിനമായ നാളെ ജില്ലാ ഭരണകൂടത്തിന്റെയും ഗാന്ധി പീസ് ഫൗണ്ടേഷന്റെയും ആഭിമുഖ്യത്തിൽ വിപുലമായ പരിപാടികൾ സംഘടിപ്പിക്കും. രാവിലെ 7.30ന് ചിന്നക്കട റസ്റ്റ് ഹൗസിൽ നിന്ന് ആരംഭിക്കുന്ന പദയാത്രയിൽ ഗാന്ധിയൻ പ്രവർത്തകരും വിദ്യാർത്ഥികളും പങ്കെടുക്കും. രാവിലെ 8ന് കൊല്ലം ബീച്ചിലെ മഹാത്മാഗാന്ധി പാർക്കിൽ സർവമത പ്രാർത്ഥന, ഗാന്ധി പ്രതിമയിൽ ഹാരാർപ്പണം, പുഷ്പാർച്ചന, പൊതുസമ്മേളനം എന്നിവ നടക്കും. ഗാന്ധിജയന്തി വാരാചരണത്തോടനുബന്ധിച്ച് ജില്ലയിലെ എൽ.പി, യു.പി, ഹൈസ്‌ക്കൂൾ വിദ്യാർത്ഥികൾക്കായി ചിത്രരചനാ മത്സരം, കവിതാലാപനം, ഹൈസ്‌കൂൾ വിദ്യാർത്ഥികൾക്കായി ക്വിസ് മത്സരം എന്നിവയും സംഘടിപ്പിക്കും.