തൃപ്രയാർ : മണപ്പുറം വയോജനക്ഷേമ സമിതി ചാരിറ്റബിൾ സൊസൈറ്റിയുടെ സി.കെ.ചന്ദ്രപ്പൻ സ്മൃതി പുരസ്‌കാരം മന്ത്രി രാമചന്ദ്രൻ കടന്നപ്പള്ളിക്ക് നാട്ടിക എം.എൽ.എ സി.സി.മുകുന്ദൻ സമർപ്പിച്ചു. വിവിധ മേഖലകളിൽ അവാർഡുകൾക്ക് അർഹരായ നാട്ടിക എസ്.എൻ ട്രസ്റ്റ് സ്‌കൂൾ പ്രിൻസിപ്പൽ ജയാബിനി ജി.എസ്.ബി, കഴിമ്പ്രം സ്‌കൂൾ അദ്ധ്യാപിക വി.ജി.സിന്ധു, ഹെഡ് നഴ്‌സ് ഇന്ദിരാ ബാബു, ഷൈൻ തട്ടുപറമ്പിൽ, ഇ.വൈ.സുധീർ എന്നിവർ മന്ത്രിയിൽ നിന്നും പുരസ്‌കാരം എറ്റുവാങ്ങി.
കോഴിക്കോട് യൂണിവേഴ്‌സിറ്റി അഞ്ചാം റാങ്ക് ജേതാവ് ജോതിർമയിയെ അനുമോദിച്ചു. നാട്ടിക ശ്രീനാരായണ ഹാളിൽ ചേർന്ന ചടങ്ങിൽ സമിതി ചെയർമാൻ ലാൽ കച്ചില്ലം അദ്ധ്യക്ഷത വഹിച്ചു. സമ്മേളനം സി.സി.മുകുന്ദൻ എം.എൽ.എ ഉദ് ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് വി.എസ്.പ്രിൻസ്, ജില്ലാ പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ പി.എം.അഹമ്മദ്, ഡോ.പി.ആർ.സിദ്ധാർത്ഥശങ്കർ, സി.പി ട്രസ്റ്റ് ചെയർമാൻ സി.പി.സാലിഹ്, പി.കെ.സുഭാഷ് ചന്ദ്രൻ മാസ്റ്റർ, എം.സ്വർണ്ണലത, കിഷോർ വാഴപ്പുള്ളി, സുരേഷ് ഇയ്യാനി, വിജയരാഘവൻ തട്ടുപറമ്പിൽ, എ.ജി.സുഭാഷ്, സുചിന്ദ് പുല്ലാട്ട് എന്നിവർ പങ്കെടുത്തു.
മണപ്പുറം വയോജനക്ഷേമ സമിതി സി.കെ.ചന്ദ്രപ്പൻ സ്മൃതി പുരസ്‌കാരം മന്ത്രി രാമചന്ദ്രൻ കടന്നപ്പിള്ളിക്ക് സി.സി.മുകുന്ദൻ എം.എൽ.എ സമ്മാനിക്കുന്നു.