ആളൂർ: ആളൂർ പഞ്ചായത്ത് കൊമ്പൊടിഞ്ഞാമാക്കൽ കാരൂർ കപ്പേളക്കുന്നിൽ നടത്തിയ ചെണ്ടുമല്ലിക്കൃഷിയുടെ (പൂവസന്തം) വിളവെടുപ്പ് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ. ആർ. ബിന്ദു ഉദ്ഘാടനം ചെയ്തു. ആളൂർ പഞ്ചായത്ത് പ്രസിഡന്റ് കെ.ആർ. ജോജോ അദ്ധ്യക്ഷനായി. ഇരിങ്ങാലക്കുട രൂപത മുൻ പാസ്റ്ററൽ കൗൺസിൽ സെക്രട്ടറി ടെൽസൺ കോട്ടോളി മുഖ്യാതിഥിയായിരുന്നു. രതി സുരേഷ്, ജോസ് മാഞ്ഞൂരാൻ രാജു, ജിയോ അരിക്കാട്ട്, ജോഷി പുന്നേലിപ്പറമ്പിൽ എന്നിവർ പ്രസംഗിച്ചു. തിരുവാതിരക്കളിയും കലാപരിപാടികളും ഉണ്ടായിരുന്നു. പി.ജെ. ഗ്രൂപ്പിന്റേയും വി.വി. ഗ്രൂപ്പിന്റേയും നേതൃത്വത്തിൽ അഞ്ചേക്കർ സ്ഥലത്ത് ഒരുക്കിയ 'പൂവസന്തം' നയനമനോഹരമാണ്. ജോഷി പുന്നേലിപ്പറമ്പിൽ, ജിൽസൺ എന്നിവരുടെ നേതൃത്വത്തിലാണ് 'പൂവസന്തം' ഒരുക്കിയിട്ടുള്ളത്.