തൃശൂർ: കൊച്ചിൻ ഷിപ്പ്‌യാർഡും അസാപ്പ് കേരള കമ്യൂണിറ്റി സ്‌കിൽ പാർക്ക് കുന്നന്താനവും ചേർന്ന് നടത്തുന്ന മറൈൻ സ്ട്രക്ച്വറൽ ഫിറ്റർ കോഴ്‌സിലേക്ക് ഒഴിവുള്ള സീറ്റുകളിലേക്ക് അപേക്ഷിക്കാം. ഐ.ടി.ഐ വെൽഡർ, ഫിറ്റർ, ഷീറ്റ് മെറ്റൽ എന്നീ ട്രേഡുകളിൽ 2020 ലോ അതിന് ശേഷമോ പാസായ വിദ്യാർത്ഥികൾക്കാണ് അവസരം. 14,514 രൂപയാണ് ഫീസ്. കോഴ്‌സ് കാലയളവിൽ വിദ്യാർത്ഥികൾക്ക് സ്‌റ്റൈപന്റ് ലഭിക്കും. മത ന്യൂനപക്ഷങ്ങളായ ക്രിസ്ത്യൻ, മുസ്‌ലിം, ജൈന, ബുദ്ധ, പാഴ്‌സി വിഭാഗങ്ങളിൽ നിന്ന് തിരഞ്ഞെടുക്കപ്പെടുന്ന 10 വിദ്യാർത്ഥികൾക്ക് സൗജന്യമായി പഠിക്കാം. കൂടുതൽ വിവരങ്ങൾക്കായി www.asapkerala.gov.in എന്ന വെബ്‌സൈറ്റ് സന്ദർശിക്കണം.