കല്ലൂർ: ഫിസിക്‌സിൽ ഗവേഷണത്തിന് രണ്ട് കോടി രൂപയുടെ സ്‌കോളർഷിപ്പ് നേടി ദേവിക. ഫോട്ടോണിക്‌സിൽ
നാലു വർഷത്തെ ഗവേഷണം ഇംഗ്ലണ്ടിലെ വെസ്റ്റ് യോർക്ക് ഷെയറിലെ ഹസേഴ്‌സ് ഫിൽസ് സർവകലാശാലയിലാണ്. പത്താം ക്ലാസ് വരാക്കര ഗുരുദേവ പബ്ലിക് സ്‌കൂളിലും പ്ലസ് ടു കുരിയച്ചിറ
സെന്റ് പോൾസ് കോൺവെന്റ് സ്‌കൂളിലും പൂർത്തിയാക്കി. കൊടകര സഹൃദയ കോളേജ് അഡ്വാൻസ്ഡ് സ്റ്റഡിസിൽ നിന്ന് ബിരുദവും വെല്ലൂർ ഇൻസ്റ്റിറ്റിയൂട്ട് ഓഫ് ടെക്‌നോളജിയിൽ നിന്നും നാലാം റാങ്കോടെ എം.എസ് സി ഫിസിക്‌സും നേടി. സർവകലാശാലയുടെയും ബ്രിട്ടീഷ് സർക്കാരിന്റെയും സ്‌കോളർഷിപ്പാണ് ദേവികക്ക് ലഭിച്ചത്.
സർവകലാശാലയുടെ സ്‌കോളർഷിപ്പ് വഴി നാലു വർഷത്തെ ഗവേഷണത്തിനുള്ള ഫിസും ലഭിക്കും. ബ്രിട്ടീഷ് സർക്കാരിന്റെ സ്‌കോളർഷിപ്പ് എഞ്ചിനീയറിംഗ് ആൻഡ് ഫിസിക്കൽ സയൻസ് റിസർച്ച് കൗൺസിൽ നൽകും. കാവല്ലൂർ അയഞ്ചിറ അനിലിന്റെയും നിഷയുടെയും മകളാണ് ദേവിക. അനാമികയാണ് സഹോദരി.