കയ്പമംഗലം: എടത്തിരുത്തി സ്വദേശിയായ രണ്ട് വയസുകാരി ഇന്ത്യ ബുക്ക് ഒഫ് റെക്കാഡ്‌സിൽ സ്ഥാനം നേടി. എടത്തിരുത്തി സിറാജ് നഗർ സ്വദേശി മംഗലംപുള്ളി അബൂതാഹിർ- ഷിഫാന ദമ്പതികളുടെ മകൾ സെബാ മറിയമാണ് അപൂർവ നേട്ടം കൈവരിച്ചത്. ചെറുപ്രായത്തിൽ തന്നെ, വിവിധ രാജ്യങ്ങളുടെ പതാകകളും പഴം, പച്ചക്കറികളുടെ പേര്, പക്ഷി മൃഗാദികളുടെ പേര്, വാഹനങ്ങൾ, മനുഷ്യ ശരീരത്തിലെ 10 പ്രധാന ഭാഗങ്ങൾ, ഇംഗ്ലീഷ് അക്ഷരമാല, വിവിധ നിറങ്ങൾ എന്നിവയുടെ ചിത്രങ്ങൾ തുടങ്ങിയവ തിരിച്ചറിയാനുള്ള കഴിവാണ് സെബാ മറിയയ്ക്ക് റെക്കാഡ് ബുക്കിൽ ഇടം നേടികൊടുത്തത്.