തിരുവനന്തപുരം: സംസ്ഥാന സർക്കാരിന്റെ നൂറുദിന കർമ്മ പരിപാടിയുടെ ഭാഗമായി എംപ്ലോയ്‌മെന്റ് വകുപ്പ് ഇന്ന് വഴുതക്കാട് ഗവ.വിമൻസ് കോളേജിൽ സംഘടിപ്പിക്കുന്ന 'നിയുക്തി' 2024 മെഗാ തൊഴിൽമേള മന്ത്രി വി.ശിവൻകുട്ടി ഉദ്ഘാടനം ചെയ്യും.
ടെക്‌നോപാർക്ക്,ഹോസ്‌പിറ്റാലിറ്റി,പാരാമെഡിക്കൽ,ഓട്ടോമൊബൈൽ,ഫിനാൻസ്,മാർക്കറ്റിംഗ് തുടങ്ങിയ മേഖലകളിൽ നിന്നുള്ള 75 പ്രമുഖ കമ്പനികൾ പങ്കെടുക്കും.എസ്.എസ്.എൽ.സി,പ്ലസ്ടു,ബിരുദം,ബിരുദാനന്തര ബിരുദം,ഐ.ടി.ഐ,ഡിപ്ലോമ,ബി.ടെക്,ജനറൽ നഴ്സിംഗ്,ഹോട്ടൽ മാനേജ്‌മെന്റ്,പാരാമെഡിക്കൽ,എം.ബി.എ,എം.സി.എ തുടങ്ങിയ യോഗ്യതയുള്ളവർക്ക് പങ്കെടുക്കാം.തൊഴിൽപരിചയമുള്ളവർക്കും ഇല്ലാത്തവർക്കുമുള്ള 5000 ഒഴിവുകളുണ്ട്.രജിസ്‌ട്രേഷൻ സൗജന്യം. നിലവിൽ പതിനായിരത്തിലധികം പേർ രജിസ്റ്റർ ചെയ്തു.സ്‌പോട്ട് രജിസ്‌ട്രേഷൻ സൗകര്യവുമുണ്ട്.രജിസ്റ്റർ ചെയ്തിട്ടുള്ളവർ അഡ്മിറ്റ് കാർഡും ബയോഡാറ്റയുമായി രാവിലെ 9ന് കോളേജിലെത്തണം.