പൂവാർ :ആയുർവേദ ഡിസ്പെൻസറിയിൽ കയറി ജീവനക്കാരനെ അസഭ്യം പറഞ്ഞ് മർദ്ദിക്കാൻ ശ്രമിച്ചയാളെ അറസ്റ്റ് ചെയ്തു. കാഞ്ഞിരംകുളം ചെക്കിട്ടവിളാകം വീട്ടിൽ റിട്ട. ജവാൻ ശരത് നാഥി (45) നെയാണ് കാഞ്ഞിരംകുളം എസ്.എച്ച്.ഒ എസ്.ഉദയകുമാറിന്റെ നേതൃത്വത്തിൽ അറസ്റ്റ് ചെയ്തത്. മദ്യപാനിയായ ഇയാൾ കാഞ്ഞിരംകുളം ജംഗ്ഷനു സമീപത്തെ ഡിസ്പെൻസറിയിൽ കയറി അസഭ്യം പറയുന്നത് പതിവാണ്. ഇതിനെതിരെ ജീവനക്കാർ പഞ്ചായത്തിൽ പരാതി നൽകി. ഇതിൽ പ്രകോപിതനായ ശരത് നാഥ് വ്യാഴാഴ്ച്ച ഉച്ചയോടെ ഡിസ്പെൻസറിയിൽ കയറി ഫാർമസിസ്റ്റിനെ മർദ്ദിക്കാൻ ശ്രമിച്ചു. ഇയാളെ കോടതി റിമാൻഡ് ചെയ്തു.