തിരുവനന്തപുരം: കേരള സംസ്ഥാന മലിനീകരണ നിയന്ത്രണ ബോർഡിന്റെ കേന്ദ്ര ഓഫീസ്,തിരുവനന്തപുരം മേഖലാ ഓഫീസ്,ജില്ലാ ഓഫീസ് എന്നിവിടങ്ങളിൽ നാല് കൊമേഴ്സ്യൽ അപ്രന്റീസ് ഒഴിവുകളിലേക്ക് നിയമനം നടത്തും.അംഗീകൃത സർവകലാശാല ബിരുദവും കംപ്യൂട്ടർ പരിജ്ഞാനവുമാണ് (ഡി.സി.എ/പി.ജി.ഡി.സി./തത്തുല്യം) യോഗ്യത.ഉദ്യോഗാർത്ഥികൾ 29ന് രാവിലെ 10ന് ബോർഡിന്റെ തിരുവനന്തപുരം മേഖലാ ഓഫീസിൽ നടക്കുന്ന അഭിമുഖത്തിൽ പങ്കെടുക്കണമെന്ന് ചീഫ് എൻവയൺമെന്റൽ എൻജിനിയർ അറിയിച്ചു.ബയോഡേറ്റ,തിരിച്ചറിയൽ രേഖ,ബന്ധപ്പെട്ട സർട്ടിഫിക്കറ്റുകൾ,മാർക്ക് ലിസ്റ്റുകൾ എന്നിവയുടെ അസലും സ്വയം സാക്ഷ്യപ്പെടുത്തിയ പകർപ്പുകളും ഹാജരാക്കണം.ഒരു വർഷമാണ് അപ്രന്റീസ് കാലാവധി.പ്രതിമാസം 9,000 രൂപ സ്റ്റൈപൻഡായി ലഭിക്കും. പ്രായപരിധി 01/01/2024 ന് 26 വയസ് കവിയരുത്.മുൻപ് ബോർഡിൽ അപ്രന്റീസ് ട്രെയിനിംഗ് എടുത്തിട്ടുള്ളവർ അപേക്ഷക്കേണ്ടതില്ല.