തിരുവനന്തപുരം: വെങ്ങാനൂർ പൗർണമിക്കാവ് ശ്രീ ബാല ത്രിപുര സുന്ദരീ ദേവീ ക്ഷേത്രത്തിൽ കന്നി മാസത്തിലെ പൗർണമിയായ നാളെ നട തുറക്കും. രാവിലെ 4.30 മുതൽ രാത്രി 10 വരെ നട തുറന്നിരിക്കും. ഉച്ചയ്ക്ക് 12 മുതൽ 1.30 വരെ വെള്ളായണി ശ്രീ ശങ്കര ഭജനസംഘം അവതരിപ്പിക്കുന്ന ഭജൻസ്,​1.30 മുതൽ 3.30 വരെ പേട്ട റെയിൻബോ കലാവേദിയുടെ ഭക്തിഗാനമേള,​ 6 മുതൽ 6.30 വരെ ധനുവച്ചപുരം അവന്തിക എം.എ.നായരുടെ ഭരതനാട്യം, ​6.45 മുതൽ 8 വരെ നാട്യദർപ്പണം സ്‌കൂൾ ഒഫ് പെർഫോമിംഗ് ആർട്സിന്റെ നൃത്തനൃത്യങ്ങൾ. രാത്രി 10ന് വലിയ ഗുരുസിയോടെ നട അടയ്ക്കും. നവരാത്രിയുടെ ഭാഗമായി ഒക്ടോബർ 10ന് നടത്തുന്ന സമൂഹ സൗന്ദര്യ ലഹരി പാരായണത്തിനുള്ളവരുടെയും 14ന് നടക്കുന്ന കാവടിയിൽ പങ്കെടുക്കുന്നവരുടെയും വിദ്യാരംഭത്തിനുള്ളവരുടെയും പേരുകൾ രജിസ്റ്റർ ചെയ്യാനുള്ള സൗകര്യവും നാളെ ഏർപ്പെടുത്തിയിട്ടുണ്ടെന്ന് ക്ഷേത്രം ഭാരവാഹികൾ അറിയിച്ചു.