ഷെയ്‌ൻ നിഗം നായകനായി വീര സംവിധാനം ചെയ്യുന്ന ഹാൽ പാക്കപ്പായി. തെലുങ്ക് നടി സാക്ഷി വൈദ്യയാണ് നായിക. മമ്മൂട്ടി അഭിനയിച്ച ഏജന്റ് എന്ന ചിത്രത്തിൽ സാക്ഷിയായിരുന്നു നായിക. കോഴിക്കോടിന്റെ പശ്ചാത്തലത്തിൽ സംഗീതസാന്ദ്രമായ ലൗ സ്റ്റോറിയാണ് ചിത്രത്തിന്റെ പ്രമേയം. ബിഗ് ബഡ്ജറ്റിൽ ഒരുങ്ങുന്ന ചിത്രത്തിൽ ജോണി ആന്റണി, സുരേഷ് കൃഷ്ണ, ജോയ് മാത്യു, മധുപാൽ, കെ.യു. മനോജ്, നിഷാന്ത് സാഗർ, നിയാസ് ബക്കർ, ദിനേശ് പണിക്കർ, അബിൻ ബിനോ, റിയാസ് നെടുമങ്ങാട്, ശ്രീധന്യ എന്നിവരാണ് മറ്റ് താരങ്ങൾ. രചന നിഷാദ് കോയ, ഛായാഗ്രഹണം രവിചന്ദ്രൻ, കലാസംവിധാനം പ്രശാന്ത് മാധവ്, സംഗീതം: വി. നന്ദഗോപാൽ, മേക്കപ്പ് അമൽ, കോസ്‌റ്റ്യൂം ഡിസൈൻ ധന്യ ബാലകൃഷ്ണൻ, ജെ.വി.ജെ പ്രൊഡക്‌ഷൻസിന്റെ ബാനറിൽ ആണ് നിർമ്മാണം. പി.ആർ.ഒ വാഴൂർ ജോസ്.