വിഴിഞ്ഞം: കാക്കാമൂല - പൂങ്കുളം പ്രദേശങ്ങളെ ബന്ധിപ്പിക്കുന്ന കാക്കാമൂല ബണ്ട് റോഡിന് കുറുകെ വെള്ളയാണി പാലത്തിന്റെ നിർമ്മാണ പ്രവൃത്തികളുടെ ഭാഗമായി,ഈ റോഡ് രണ്ട് വർഷത്തേക്ക് അടച്ചിടുമെന്ന് കെ.ആർ.എഫ്.ബി എക്‌സിക്യൂട്ടീവ് എൻജിനിയർ അറിയിച്ചു.26 മുതൽ രണ്ട് വർഷത്തേക്കോ പാലത്തിന്റെ നിർമ്മാണ പ്രവൃത്തികൾ പൂർത്തിയാകുന്നതുവരെയോ ഈ റോഡിലൂടെയുള്ള വാഹനഗതാഗതത്തിന് ക്രമീകരണം ഏർപ്പെടുത്തി. തിരുവല്ലം ഭാഗത്തു നിന്ന് കല്ലിയൂർ ഭാഗത്തേക്കും, തിരിച്ചും പോകുന്ന വാഹനങ്ങൾക്കുള്ള റൂട്ട്.

1. കെ.എസ്.ആർ.ടി.സി ബസ്, മറ്റ് വലിയ വാഹനങ്ങൾ തിരുവല്ലം ഭാഗത്ത് നിന്നും വരുന്ന വാഹനങ്ങൾ പൂങ്കുളം ജംഗ്ഷനിൽ നിന്ന് വലതു തിരിഞ്ഞ് വെങ്ങാനൂർ - പെരിങ്ങമ്മല - കാക്കാമൂല - കല്ലിയൂർ വഴി ബാലരാമപുരത്തേക്ക് പോകണം.

2. തിരുവല്ലം ഭാഗത്തു നിന്ന് വരുന്ന ടൂവീലർ,ത്രീ വീലർ വാഹനങ്ങൾ പൂങ്കുളം ജംഗ്ഷനിൽ നിന്ന് വലത് തിരിഞ്ഞ് കോളിയൂർ - മുട്ടയ്ക്കാട് - ആയുർവേദ ആശുപത്രി റോഡ് വഴി - കാരിക്കുഴി - കാക്കാമൂല വഴി കല്ലിയൂർ ഭാഗത്തേക്ക് പോകണം.