തിരുവനന്തപുരം: തിരുവനന്തപുരം നഗരസഭയിലെ ശ്രീവരാഹം വാർഡ് കൗൺസിലർ ശ്രീവരാഹം ലക്ഷ്മി വിലാസത്തിൽ എസ്. വിജയകുമാർ (72) നിര്യാതനായി. ശ്വാസകോശ, കരൾ സംബന്ധമായ രോഗങ്ങളെ തുടർന്ന് ചികിത്സയിലായിരുന്നു. സി.പി.ഐ തിരുവനന്തപുരം മണ്ഡലം കമ്മിറ്റി അംഗവും കിസാൻസഭ തിരുവനന്തപുരം മണ്ഡലം കമ്മിറ്റി പ്രസിഡന്റും ശ്രീവരാഹം എൻ.എസ്.എസ് കരയോഗം സെക്രട്ടറിയുമായിരുന്നു. കേരള ഭാഷാ ഇൻസ്റ്റിട്യൂട്ട് പബ്ലിക്കേഷൻ ഓഫീസറായിരുന്നു. ഭാര്യ: പരേതയായ അംബികാദേവി. മകൻ: ബിനു വി (ജനറൽ മാനേജർ, പോപ്പുലർ വെഹിക്കിൾസ് ആൻഡ് സർവീസസ്), മരുമകൾ: ഡോ. രശ്മികൃഷ്ണൻ ആർ (ലക്ചറർ, ശ്രീചിത്തിര തിരുനാൾ കോളേജ് ഒഫ് എൻജിനിയറിംഗ്, തിരുവനന്തപുരം). ഇന്ന് രാവിലെ 11ന് നഗരസഭയിൽ പൊതുദർശനം. ഉച്ചയ്ക്ക് രണ്ടിന് പുത്തൻകോട്ട ശ്മശാനത്തിൽ സംസ്കാരം നടത്തും. സഞ്ചയനം: 29ന് രാവിലെ 8:30ന്.