വെഞ്ഞാറമൂട്:വയനാട്ടിലെ ദുരന്തത്തിൽ സർവതും നഷ്ടപ്പെട്ടവരുടെ കുടുംബങ്ങളിൽ പഠനം വഴിമുട്ടിയ കുട്ടികളുടെ തുടർ പഠനത്തിന് കൈത്താങ്ങാകാൻ മുളമന ഹയർ സെക്കൻഡറി സ്‌കൂളിലെ വിദ്യാർത്ഥികളും എൻ.എസ്.എസ് യൂണിറ്റും ബിരിയാണി ചലഞ്ച് നടത്തി തുക സമാഹരിച്ചു.വിവിധ സർക്കാർ ഓഫീസുകൾ,ബാങ്കുകൾ,കച്ചവട സ്ഥാപനങ്ങൾ,നാട്ടുകാർ, പ്രദേശവാസികൾ എന്നിവരെ നേരിൽ കണ്ടാണ് വിദ്യാർത്ഥികൾ ബിരിയാണി ചലഞ്ചിന്റെ ഭാഗമാക്കിയത്.സ്‌കൂൾ പ്രിൻസിപ്പൽ എ.കെ. അജീബിന്റെ നേതൃത്വത്തിൽ ജി.സാബു,ബി.സന്തോഷ് കുമാർ,രാജലക്ഷ്മി എന്നീ അദ്ധ്യാപകരും വിദ്യാർത്ഥികളും ചേർന്ന് സമാഹരിച്ച തുക നേരിട്ടാണ് മുഖ്യമന്ത്രിക്ക് കൈമാറിയത്.ഡി.കെ.മുരളി എം.എൽ.എ യാണ് ബിരിയാണി ചലഞ്ച് ഉദ്ഘാടനം ചെയ്തത്.പഞ്ചായത്ത് പ്രസിഡന്റ് ജി.ഒ .ശ്രീവിദ്യ,വാർഡ് മെമ്പർ രതീഷ്,പി.ടി.എ പ്രസിഡന്റ് ഈട്ടിമൂട് മോഹനൻ തുടങ്ങിയവർ പങ്കെടുത്തു.