തിരുവനന്തപുരം: നഗരത്തിൽ സ്മാർട്ട്സിറ്റിയുമായി ബന്ധപ്പെട്ട ഇന്റർകണക്ഷൻ ജോലികൾ രണ്ടാഴ്ചയ്ക്കകം പൂർത്തിയാകുമെന്ന് ജലഅതോറിറ്റി അധികൃതർ അറിയിച്ചു.വഴുതക്കാട് ആകാശവാണിയുടെയും ഗണപതി ക്ഷേത്രത്തിന്റെയും സമീപത്തായി രണ്ട് ഇന്റർകണക്ഷനാണ് അവശേഷിക്കുന്നത്. അരുവിക്കരയിലെ അറ്റകുറ്റപ്പണി ഉൾപ്പെടെയുള്ള വലിയ ജോലികൾ അവശേഷിക്കുന്നതിനാലാണ് ഇന്റർകണക്ഷൻ ജോലികൾ നീളുന്നത്. ആൽത്തറ-മേട്ടുക്കട റോഡിൽ പഴയ പൈപ്പ് മാറ്റുന്ന ജോലിയും നീളുന്നു.അതേസമയം,അരുവിക്കരയിലുള്ള 86 എം.എൽ.ഡി ജലശുദ്ധീകരണശാലയിൽ അറ്റകുറ്റപ്പണികൾ നടക്കുന്നതിനാൽ ഇന്ന് രാവിലെ 10 മുതൽ വൈകിട്ട് 6 വരെ വഴയില,ഇന്ദിരാനഗർ, പേരൂർക്കട, ഊളമ്പാറ, ഹിന്ദുസ്ഥാൻ ലാറ്റെക്സ് ഫാക്ടറിയും പരിസരപ്രദേശങ്ങളും, സ്വാതിനഗർ, സൂര്യനഗർ, പൈപ്പിൻമൂട്, ജവഹർനഗർ, ഗോൾഫ്‌ലിംഗ്സ്, കവടിയാർ, ദേവസ്വം ബോർഡ് ജംഗ്ഷൻ, ക്ലിഫ്ഹൗസ് നന്ദൻകോട്, കുറവൻകോണം, ചാരാച്ചിറ,പ്ലാമൂട്, പട്ടം, കേശവദാസപുരം, ഗൗരീശപട്ടം, പരുത്തിപ്പാറ, മുട്ടട, അമ്പലമുക്ക്, ചൂഴമ്പാല, മുക്കോല, നാലാഞ്ചിറ, മണ്ണന്തല, ശ്രീകാര്യം, ഗാന്ധിപുരം, ചെമ്പഴന്തി, പൗഡിക്കോണം, കേരളാദിത്യപുരം, കട്ടേല, മൺവിള, മണക്കുന്ന്,ആലത്തറ, ചെറുവയ്ക്കൽ, ഞാണ്ടൂർക്കോണം, തൃപ്പാദപുരം, ചെങ്കോട്ടുകോണം, കഴക്കൂട്ടം, ടെക്നോപാർക്ക്, പള്ളിപ്പുറം, പൊട്ടക്കുഴി,മുറിഞ്ഞപാലം, കുമാരപുരം, മെഡിക്കൽ കോളേജ് പരിസരം, കണ്ണമ്മൂല, കരിക്കകം,ഉള്ളൂർ, പ്രശാന്ത് നഗർ, പോങ്ങുമ്മൂട്, ആറ്റിപ്ര, കുളത്തൂർ,പൗണ്ട്കടവ്,കരിമണൽ,കുഴിവിള,വെട്ടുറോഡ്,
കാട്ടായിക്കോണം,പുത്തൻപള്ളി, ആറ്റുകാൽ, വലിയതുറ, പൂന്തുറ, ബീമാപള്ളി, മാണിക്യവിളാകം, മുട്ടത്തറ,പുഞ്ചക്കരി, കരമന,ആറന്നൂർ, മുടവൻമുകൾ, നെടുംകാട്,കാലടി, പാപ്പനംകോട്,മേലാംകോട്, പൊന്നുമംഗലം, വെള്ളായണി,എസ്റ്റേറ്റ്, നേമം,പ്രസാദ് നഗർ, തൃക്കണ്ണാപുരം, പുന്നയ്ക്കാമുകൾ, തിരുമല,വലിയവിള,പി.ടി.പി, കൊടുങ്ങാനൂർ,കാച്ചാണി, നെട്ടയം, വട്ടിയൂർക്കാവ്, കാഞ്ഞിരംപാറ, പാങ്ങോട്, തുരുത്തിമൂല തുടങ്ങിയ പ്രദേശങ്ങളിൽ ജലവിതരണം ഭാഗികമായി തടസപ്പെടും.