തിരുവനന്തപുരം: കിംസ് ആശുപത്രിക്ക് സമീപം വാട്ടർ അതോറിട്ടിയുടെ 600 എം.എം.ഡി.ഐ പൈപ്പിൽ രൂപപ്പെട്ടിട്ടുള്ള ചോർച്ച പരിഹരിക്കുന്നതിനായി അടിയന്തര അറ്റകുറ്റപ്പണികൾ നടത്തുന്നതിനാൽ നാളെ രാവിലെ 10 മുതൽ 3ന് രാവിലെ 10 വരെ കുടിവെള്ള വിതരണം മുടങ്ങും. തേക്കുംമൂട്,പൊട്ടക്കുഴി,മുറിഞ്ഞപാലം,കുമാരപുരം,പൂന്തി റോഡ്,കണ്ണമൂല,നാലുമുക്ക്,അണമുഖം,ഒരുവാതിൽകോട്ട, ആനയറ,കടകംപള്ളി,കരിക്കകം,വെൺപാലവട്ടം,വെട്ടുകാട്,ശംഖുംമുഖം,വേളി,പൗണ്ട്കടവ്, സൗത്ത് തുമ്പ എന്നീ പ്രദേശങ്ങളിലാണ് ജലവിതരണം തടസപ്പെടുക. ഉപഭോക്താക്കൾ മുൻകരുതൽ സ്വീകരിക്കേണ്ടതാണെന്ന് വാട്ടർ അതോറിട്ടി അറിയിച്ചു.