ഹരിപ്പാട്: ഡോ.ബി.ആർ. അംബേദ്കർ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ എസ്.എസ്.എൽ.സി, പ്ലസ് ടു പരീക്ഷയിൽ ഉയർന്ന മാർക്ക് നേടിയ വിദ്യാർത്ഥികൾക്കുള്ള വിദ്യാഭ്യാസ അവാർഡ് ദാന സമ്മേളനം രമേശ് ചെന്നിത്തല ഉദ്ഘാടനം ചെയ്തു. പഠനോപകരണ വിതരണം ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ അഡ്വ.ടിഎസ്. താഹ നിർവ്വഹിച്ചു . ട്രസ്റ്റ് പ്രസിഡന്റ് വിജയൻ കളരിക്കൽ അദ്ധ്യക്ഷനായി. ജില്ലാ പഞ്ചായത്ത് അംഗം ജോൺ തോമസ് മുഖ്യപ്രഭാഷണം നടത്തി. കായംകുളം ഡിവൈ.എസ് .പി. ബാബു കുട്ടൻ.എൻ , ട്രസ്റ്റ് സെക്രട്ടറി കെ.സി.ആർ തമ്പി , പി.വിനോദിനി, ഹരിദാസ് ഹരിപ്പാട്, സുഭാഷ് ചന്ദ്രൻ.ബി.എസ്, ശശി പത്തിയൂർ, പി.കെ.ഗോപി, ചന്ദ്രൻ ചെറുതന, രമണി ഷാജി എന്നിവർ സംസാരിച്ചു. എം. ബി. ബി.എസിന് അഡ്മിഷൻ ലഭിച്ച ദേവപ്രിയ, ബി.ഡി.എസ് പ്രവേശനം ലഭിച്ച ശ്രീലക്ഷ്മി എന്നിവരെ ആദരിച്ചു.