മാവേലിക്കര:ഭൂമിയും ഭവനവും സമൂഹത്തിൽ പിന്നാക്കം നിൽക്കുന്നവരിൽ ഉറപ്പാക്കുന്ന സേവാഭാരതിയുടെ ഭൂദാനം ശ്രേഷ്ഠ ദാനം പദ്ധതിയുടെ ജില്ലാതല ഉദ്ഘാടനം സേവാഭാരതി സംസ്ഥാന സെക്രട്ടറി ഡോ.ഇ.പി കൃഷ്ണൻ നമ്പൂതിരി നിർവ്വഹിച്ചു. ചെട്ടികുളങ്ങര കണ്ണമംഗലം വടക്ക് മൂലക്കാട്ട് കുടുംബത്തിൽ നിന്ന് ലഭിച്ച ഭൂമി ഭൂരഹിതരായ 5 കുടുംബങ്ങൾക്ക് കൈമാറി. ദേശീയ സേവാഭാരതി ജില്ലാ പ്രസിഡന്റ് ഡോ. സതീഷ് കുമാർ അദ്ധ്യക്ഷനായി. ആർ.എസ്.എസ് ശബരിഗിരിവിഭാഗ് കാര്യവാഹ് ജി.വിനു സേവാ സന്ദേശം നൽകി. ചടങ്ങിൽ വച്ച് അഞ്ച് കുടുംബങ്ങൾക്ക് അഞ്ച് സെന്റ് ഭൂമി വീതമുള്ള ആധാരങ്ങൾ കൈമാറി. ജില്ലാ ജനറൽ സെക്രട്ടറി എ.അനീഷ് , ജില്ലാ രക്ഷാധികാരി ഡി.മുകുന്ദൻ കുട്ടി നായർ, മൂലക്കാട്ട് കുടുംബാംഗങ്ങളായ ശശീധരൻ പിള്ള, ഡോ.ഗോപകുമാർ, സംഘടന സെക്രട്ടറി എസ്സ്. ജയകൃഷ്ണൻ, ജില്ലാ സെക്രട്ടറിമാരായ ആർ.രാജേഷ്, അഡ്വ.സോനു ഉത്തമൻ, ചെട്ടികുളങ്ങര യൂണിറ്റ് പ്രസിഡൻ്റ് സുനിത വേണു, സെക്രട്ടറി ജി.ജയകൃഷ്ണൻ എന്നിവർ പങ്കെടുത്തു.