മാന്നാർ: മലങ്കര മെത്രാപ്പോലീത്തയായി വാഴിക്കപ്പെട്ടതിന്റെ മൂന്നാം വാർഷികദിനത്തിൽ മലങ്കര ഓർത്തഡോക്സ് സുറിയാനി സഭയുടെ പരമാദ്ധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവ പരുമലയിൽ വിശുദ്ധ കുർബാന അർപ്പിച്ചു. തുടർന്ന്

നടന്ന അനുമോദന യോഗത്തിൽ സഭയിലെ മുഴുവൻ മെത്രാപ്പോലീത്തമാരുടെയും ആദരവ് പരിശുദ്ധ സുന്നഹദോസ് സെക്രട്ടറി ഡോ.യൂഹാനോൻ മാർ ക്രിസോസ്റ്റമോസ് മെത്രാപ്പോലീത്ത സമർപ്പിച്ചു. ഏബ്രഹാം മാർ എപ്പിഫാനിയോസ്, യൂഹാനോൻ മാർ പോളിക്കാർപ്പോസ്, ഡോ.മാത്യൂസ് മാർ തിമോത്തിയോസ് എന്നീ മെത്രാപ്പോലീത്തമാരും, സഭാ വൈദിക ട്രസ്റ്റി ഫാ.ഡോ.തോമസ് വർഗീസ് അമയിൽ, മലങ്കര അസോസിയേഷൻ സെക്രട്ടറി അഡ്വ.ബിജു ഉമ്മൻ, പരുമല സെമിനാരി മാനേജർ കെ.വി.പോൾ റമ്പാൻ എന്നിവർ പരിശുദ്ധ കാതോലിക്കാ ബാവായ്ക്ക് ആശംസകൾ നേർന്നു.