അമ്പലപ്പുഴ: പുന്നപ്ര തെക്ക് പഞ്ചായത്തിലെ സെന്റ് അലോഷ്യസ് സ്കൂൾ - ബീച്ച് റോഡിന്റെ നിർമ്മാണത്തിനാണ് തുടക്കമായി 63.20- ലക്ഷത്തിൽപ്പരം രൂപ ചെലവിൽ ബി .എം- ബി.സി നിലവാരത്തിൽ പൊതുമരാമത്ത് വകുപ്പാണ് നിർമ്മാണം. മണ്ഡലത്തിലെ വിവിധ പഞ്ചായത്ത് പരിധിയിലുള്ള 25 റോഡുകളും അതിന്റെ 6 പാർശ്വ റോഡുകളുമുൾപ്പടെ 31 റോഡുകളുടെ നിർമ്മാണത്തിന് 25 കോടി രൂപയാണ് അനുവദിച്ചത്. ഇതിലുൾപ്പെട്ട 900 മീറ്റർ നീളം വരുന്ന റോഡിന്റെ നിർമ്മാണത്തിനാണ് ഇപ്പോൾ തുടക്കമായത്. എച്ച് .സലാം എം.എൽ.എ നിർമ്മാണോദ്ഘാടനം നിർവ്വഹിച്ചു. 30-ാം നമ്പർ അങ്കണവാടിക്ക് സമീപം ചേർന്ന സമ്മേളനത്തിൽ ബ്ലോക്ക് പഞ്ചായത്ത് പ്രസിഡന്റ് അഡ്വ.ഷീബാ രാകേഷ് അദ്ധ്യക്ഷയായി. പഞ്ചായത്ത് വൈസ് പ്രസിഡന്റ് സുധർമ്മ ഭുവന ചന്ദ്രൻ, ബ്ലോക്ക് സ്ഥിരം സമിതി അദ്ധ്യക്ഷ എം. ഷീജ, അംഗം റാണി ഹരിദാസ്, പൊതുമരാമത്ത് അസി. എൻജിനിയർ എസ്. ബിനുമോൻ എന്നിവർ സംസാരിച്ചു. പഞ്ചായത്ത് പ്രസിഡൻ്റ് പി. ജി. സൈറസ് സ്വാഗതം പറഞ്ഞു.