ചാരുംമൂട് : നിയന്ത്രണം വിട്ട കാറ് പാഞ്ഞുകയറി കുരിശടിയുടെ കൈവരികൾ തകർത്തു. ചാരുംമൂട് ടൗണിലുള്ള സെന്റ് മേരീസ് ദേവാലയത്തിന്റെ കുരിശടിയുടെ കൈവരികളാണ് തകർന്നത്. തിങ്കളാഴ്ച അർദ്ധ രാത്രിയായിരുന്നു സംഭവം. സിഗ്നൽ പോയിന്റിൽ വച്ച് തമിഴ്നട്ടിൽ നിന്ന് വന്ന ലോറിയും കൊല്ലം സ്വദേശിയുടെ കാറും കൂട്ടിയിടിക്കുകയും നിയന്ത്രണം വിട്ട് കുരിശടിയിലേക്ക് പാഞ്ഞുകയറുകയുമായിരുന്നു. ആർക്കും പരിക്കില്ല. ഇടിയുടെ ആഘാതത്തിൽ കൈവരികൾ തകർന്നു. കുരിശടിക്ക് കേടുപാടില്ല.സമീപത്തെ ഫുട്പാത്തിന്റെ കൈവരികളും തകർന്നിട്ടുണ്ട്. നൂറനാട് പൊലീസ് കേസെടുത്തു.