ചേർത്തല:മലയാളത്തിന്റെ പ്രിയകവി വയലാർ രാമവർമ്മയുടെ 49-ാം ചരമവാർഷികത്തിന്റെ ഭാഗമായി വയലാർ ഫാൻസിന്റെ സൗഹാർദ്ദ സന്ദേശയാത്ര ഇന്ന് നടക്കും.എസ്.എൽ.പുരം സദാനന്ദന്റെ സ്മൃതി മണ്ഡപത്തിൽ നിന്ന് രാഘവപറമ്പിലെ ചന്ദ്രകളഭത്തിലേക്കാണ് യാത്ര.
ഇന്ന് രാവിലെ 10ന് എസ്.എൽ.പുരത്തിന്റെ സ്മൃതിമണ്ഡപത്തിൽ കെ.കെ.കുമാരൻ പെയിൻ ആൻഡ് പാലിയേറ്റീവ് കെയർ സൊസൈറ്റി ചെയർമാൻ എസ്.രാധാകൃഷ്ണൻ യാത്ര ഉദ്ഘാടനം ചെയ്യും.എസ്.എൽ.പുരത്തിന്റെ കുടുംബാംഗങ്ങൾ യാത്രയാക്കും.ജനറൽ സെക്രട്ടറി കരപ്പുറം രാജശേഖരൻ യാത്ര നയിക്കും.
വയലാർ രാഘവപറമ്പിൽ വയലാറിന്റെ കുടുംബാംഗങ്ങൾ ചേർന്ന് യാത്രയെ സ്വീകരിക്കും.തുടർന്ന് 11.30ന് ചന്ദ്രകളഭത്തിൽ നടക്കുന്ന അനുസ്മരണ സമ്മേളനത്തിൽ ടി.പി.സുന്ദരേശൻ അദ്ധ്യക്ഷനാകും.മണ്ണഞ്ചേരി യൂണിവേഴ്സിറ്റി ഇൻസ്റ്റിറ്റ്യൂട്ട് ഒഫ് ടെക്‌നോളജി പ്രിൻസിപ്പൽ ഡോ.പ്രദീപ് ഉദ്ഘാടനം ചെയ്യും.കാഥികൻ മുതുകുളം സോമനാഥ് അനുസ്മരണ പ്രഭാഷണം നടത്തും.സാഹിത്യകാരൻ ഹരികുമാർ കണിച്ചുകുളങ്ങരക്ക് വയലാർ ശരത്ചന്ദ്രവർമ്മ പുരസ്‌കാരം നൽകും.