അമ്പലപ്പുഴ: അടിപ്പാത വിഷയത്തിൽ ജനകീയ സമരസമിതിയുടെ ഉപവാസ സമരനാടകം ജനങ്ങളുടെ കണ്ണിൽ പൊടിയിടാനും എം.എൽ.എ യുടെ വീഴ്ച മറയ്ക്കാനും ആണെന്ന് ബി.ജെ.പി പുറക്കാട് ഏരിയ പഞ്ചായത്ത് കമ്മിറ്റി ആരോപിച്ചു. പായൽകുളങ്ങരയിൽ അടിപ്പാത ആവശ്യമാണ് എന്നിരിക്കെ,​ ദേശീയപാത നിർമ്മാണം ആരംഭിക്കുന്നതിന് മുമ്പോ,​ ശേഷമോ പുറക്കാട് പഞ്ചായത്തോ,​ എം.എൽ.എയോ,​ മുൻ എം.പിയോ അലൈൻമെന്റ് പരിശോധിച്ച് അടിപ്പാത നിർമ്മിക്കുന്നതിന് ആവശ്യമായ നിർദ്ദേശം നൽകാതിരുന്നത് എന്തുകൊണ്ടാണെന്ന് അവർചോദിച്ചു. എം.എൽ .എ നിർദ്ദേശം നൽകാതിരുന്നത് അദ്ദേഹത്തിന്റെ വീഴ്ചയാണെന്നും ജനകീയ സമിതി രൂപീകരിച്ചപ്പോൾ അമ്പലപ്പുഴ മണ്ഡലത്തിലെ ബി.ജെ.പി പ്രതിനിധികളെ ക്ഷണിക്കുകയോ,​ ഉൾപ്പെടുത്തുകയോ ചെയ്‌തിട്ടില്ലെന്നും അവർ പറഞ്ഞു.