മുഹമ്മ: വടക്കനാര്യാട് നവജീവൻ സാംസ്ക്കാരിക വേദിയുടെ സുവർണ ജൂബിലി ആഘോഷം ഇന്ന് മുതൽ 31വരെ നടക്കും. ഫുട്ബാൾ, വടം വലി മത്സരങ്ങൾ, കുട്ടികളുടെയും വനിതകളുടെയും വിവിധ കലാ,​ കായിക മത്സരങ്ങൾ, വയലാർ സന്ധ്യ, കൈകൊട്ടിക്കളി മത്സരം, മെരിറ്റ് ഈവനിംഗ്, സുവർണ ദീപ കാഴ്ച, മ്യൂസിക്കൽ ഫ്യൂഷൻ ഉൾപ്പെടെ വിവിധ പരിപാടികൾ നടക്കും. ഇന്ന് രാവിലെ 9 ന് പുത്തൻചന്തക്ക് സമീപം ഇ.വി.ഗോപി നഗറിൽ പ്രസിഡന്റ് എം.പി.ജോയി പതാക ഉയർത്തും. 9.30 ന് വിളംബര ജാഥ. തുടർന്ന് കുട്ടികളുടെ കലാ,​ കായിക മത്സരങ്ങൾ. വൈകിട്ട് അഞ്ചിന് നടക്കുന്ന ജില്ലാ തല വടംവലി മത്സരം മണ്ണഞ്ചേരി പൊലീസ് സബ് ഇൻസ്പെക്ടർ കെ.ആർ.ബിജു ഉദ്ഘാടനം ചെയ്യും.