ചേർത്തല:ചേർത്തല ഉപജില്ലാ സ്‌കൂൾ കലോത്സവം കണിച്ചുകുളങ്ങര ദേവസ്വം വോക്കേഷണൽ ഹയർ സെക്കൻഡറി സ്‌കൂളിൽ പി.പി.ചിത്തരഞ്ജൻ എം.എൽ.എ ഉദ്ഘാടനം ചെയ്തു.മാരാരിക്കുളം വടക്ക് ഗ്രാമപഞ്ചായത്ത് പ്രസിഡന്റ് സുദർശനാഭായി അദ്ധ്യക്ഷയായി.ചേർത്തല നഗരസഭ ചെയർപേഴ്സൺ ഷേർളി ഭാർഗവൻ കലോത്സവ സന്ദേശം നൽകി.പഞ്ചായത്ത് വൈസ് പ്രസിഡന്റ് സി.സി.ഷിബു,കണിച്ചുകുളങ്ങര ദേവസ്വം സെക്രട്ടറി പി.കെ.ധനേശൻ,എ.ഇ.ഒ സി.മധു,ദേവസ്വം സ്കൂൾ മാനേജർ ടി.പ്രസന്നകുമാർ,ജനറൽ കൺവീനർ എം.അജിത,എസ്.സുജീഷ എന്നിവർ സംസാരിച്ചു.കണിച്ചുകുളങ്ങരയിലെ എട്ടു വേദികളിലായാണ് മത്സരങ്ങൾ നടക്കുന്നത്.വി.എച്ച്.എസ്.എസ് കണിച്ചുകുളങ്ങര,ജി.എച്ച്.എസ്,പെരന്നേർമംഗലം ഗവ.എൽ.പി സ്‌കൂൾ,ഗുരുപൂജാ ഹാൾ എന്നിവിടങ്ങളിലായാണ് പ്രധാന വേദികൾ. 30ന് വൈകിട്ട് നടക്കുന്ന സമാപന സമ്മേളനം ജില്ലാപഞ്ചായത്ത് പ്രസിഡന്റ് കെ.ജി.രാജേശ്വരി ഉദ്ഘാടനം ചെയ്യും.കഞ്ഞിക്കുഴി ബ്ലോക്ക് പഞ്ചായത്ത് പ്രസിഡന്റ് വി.ജി.മോഹനൻ അദ്ധ്യക്ഷനാകും.ജില്ലാപഞ്ചായത്ത് വൈസ് പ്രസിഡന്റ് എൻ.എസ്.ശിവപ്രസാദ് സമ്മാനദാനം നടത്തും.