ചേർത്തല:അഞ്ചുവർഷം പൂർത്തീകരിച്ച മുഴുവൻ തൊഴിലാളികൾക്കും എഴുത്തുപരീക്ഷയുടെ അടിസ്ഥാനത്തിൽ സി ക്ലാസ് ലൈസൻസ് നൽകണമെന്ന് കേരള ഇലക്ട്രിക്കൽ വയർമെൻ ആൻഡ് സൂപ്പർവൈസേഴ്സ് അസോസിയേഷൻ ജില്ലാ സമ്മേളനം ആവശ്യപ്പെട്ടു. ചേർത്തല നഗരസഭ ടൗൺ ഹാളിൽ നടന്ന സമ്മേളനം നഗരസഭ ചെയർപേഴ്സൺ ഷേർളിഭാർഗവൻ ഉദ്ഘാടനം ചെയ്തു.ജില്ലാ പ്രസിഡന്റ് പി.കെ.ബെന്നി അദ്ധ്യക്ഷനായി.ഉത്പന്നങ്ങളുടെ പ്രദർശന ഉദ്ഘാടനം സംസ്ഥാന ക്ഷേമഫണ്ട് സെക്രട്ടറി കെ.എച്ച്.മേരീദാസ് നിർവഹിച്ചു.സംസ്ഥാന ജനറൽ സെക്രട്ടറി വി.ഗോപകുമാരൻനായർ മുഖ്യപ്രഭാഷണം നടത്തി.സംസ്ഥാന സെക്രട്ടറി തോമസ്.കെ.കുരിയാക്കോസ് മരണാനന്തര സഹായം വിതരണം ചെയ്തു. എം.ജയകുമാർ, കെ.ബിജു,ഡി.സുരേഷ്,എ.അജി തുടങ്ങിയവർ സംസാരിച്ചു.പ്രതിനിധി സമ്മേളനം സംസ്ഥാന ജനറൽ സെക്രട്ടറി വി. ഗോപകുമാരൻ നായർ ഉദ്ഘാടനം ചെയ്തു.ജില്ലാ പ്രസിഡന്റ് പി.കെ.ബെന്നി അദ്ധ്യക്ഷനായി.സെക്രട്ടറി കെ.ബിജു പ്രവർത്തന റിപ്പോർട്ടും ജി.ഗോപകുമാർ കണക്കും അവതരിപ്പിച്ചു.എം.കെ.ചന്ദ്രൻനായർ,വർഗീസ് തോമസ്,എസ്.സുജിത്ത്,എസ്.സംഗീത്,സി.എക്സ്.കുഞ്ഞുമോൻ എന്നിവർ സംസാരിച്ചു.ഭാരവാഹികളായി എം.ജയകുമാർ(പ്രസിഡന്റ്),കെ.ബിജു(സെക്രട്ടറി),ജി.ഗോപകുമാർ(ഖജാൻജി),പി.കെ.ബെന്നി (സംസ്ഥാന എക്സിക്യുട്ടീവ്ംഗം),കെ.എച്ച്.മേരിദാസ്(ക്ഷേമ ബോർഡംഗം) എന്നിവരെ തിരഞ്ഞെടുത്തു.