ന്യൂഡൽഹി : ജാർഖണ്ഡിൽ ആദ്യഘട്ട സ്ഥാനാർത്ഥികളെ ബി.ജെ.പി ഇന്നലെ പ്രഖ്യാപിച്ചപ്പോൾ ജെ.എം.എം വിട്ടുവന്ന മുൻ മുഖ്യമന്ത്രി ചമ്പൈ സോറന് അദ്ദേഹത്തിന്റെ തട്ടകമായ സരായ്‌കേലയിൽ തന്നെ സീറ്റ് നൽകി. 66 സ്ഥാനാർത്ഥികളുടെ പട്ടികയാണ് പുറത്തിറക്കിയത്. പാർട്ടിയുടെ സംസ്ഥാന അദ്ധ്യക്ഷൻ ബാബുലാൽ മറാൻഡി ധൻവാറിലും,​ സീതാ സോറൻ ജംതാരയിലും മത്സരിക്കും. ജാർഖണ്ഡ് മുക്തി മോർച്ച (ജെ.എം.എം) മുതിർന്ന നേതാവ് ഷിബു സോറന്റെ മരുമകളാണ് സീത സോറൻ. കോൺഗ്രസ് വിട്ടു ബി.ജെ.പിയിലെത്തിയ ഗീത കോഡ ജഗനാഥ്പുരിൽ ജനവിധി തേടും.