കാലടി: വയോജന ദിനത്തിൽ കർഷകസംഘം മഞ്ഞപ്ര പുത്തൻപള്ളി യൂണിറ്റിന്റെ നേതൃത്വത്തിൽ വയോജനങ്ങളായ കർഷകരെ ആദരിച്ചു. കർഷകസംഘം മഞ്ഞപ്ര വില്ലേജ് കമ്മിറ്റി പ്രസിഡന്റ് രാജീവ് ഏറ്റിക്കര അദ്ധ്യക്ഷനായി. കർഷകസംഘം ഏരിയ സെക്രട്ടറി പി. അശോകൻ വയോജനദിന പരിപാടി ഉദ്ഘാടനം ചെയ്തു. കർഷകസംഘം ഏരിയ വൈസ് പ്രസിഡന്റ് കെ.വൈ.വർഗീസ് പ്രമുഖ കർഷകനും ജീവകാരുണ്യ പ്രവർത്തകനുമായ ഫാ. എ. കെ. തങ്കച്ചനെ ആദരിച്ചു. അഡ്വ. എ. വി. സൈമൺ, ടി. പി. വേണു, എം. പി. തരിയൻ, പി. വി. ജോയ്, കെ. സി. വർഗീസ്, ഐ. പി. പയസ്, പ്രകാശൻപിള്ള , സി.വി.പോൾ എന്നിവർ സംസാരിച്ചു.