മൂവാറ്റുപുഴ: സെൻട്രൽ കേരള സഹോദയ സി.ബി.എസ്.ഇ. കലോത്സവം സർഗധ്വനിയുടെ രചന മത്സരങ്ങൾ പൂർത്തിയായപ്പോൾ ആതിഥേയരായ മൂവാറ്റുപുഴ നിർമല പബ്ലിക് സ്കൂൾ 244 പോയിന്റുമായി മുന്നിൽ. വാഴക്കുളം കാർമൽ പബ്ലിക് സ്കൂൾ 242 പോയിന്റുമായി തൊട്ടുപിന്നിലുണ്ട്. അങ്കമാലി എടക്കുന്ന് നൈപുണ്യ പബ്ലിക് സ്കൂൾ 225, വാളകം ബ്രൈറ്റ് പബ്ലിക് സ്കൂൾ 206, മൂവാറ്റുപുഴ സെന്റ് തോമസ് പബ്ലിക് സ്കൂൾ 202, തൊടുപുഴ ഡി പോൾ സ്കൂൾ 191, കോതമംഗലം ഗ്രീൻ വാലി പബ്ലിക് സ്കൂൾ 189, തൊടുപുഴ ജയ് റാണി പബ്ലിക് സ്കൂൾ 189, വാഴക്കുളം ഇൻഫന്റ് ജീസസ് പബ്ലിക് സ്കൂൾ 185, കോതമംഗലം മേരിഗിരി പബ്ലിക് സ്കൂൾ 181 എന്നിങ്ങനെയാണ് ആദ്യ 10 സ്ഥാനത്തുള്ളവരുടെ പോയിന്റ് നില. കലോത്സവത്തിന്റെ ഭാഗമായി നാളെ ബാൻഡ് ഡിസ്‌പ്ലേ മത്സരവും ഉച്ചകഴിഞ്ഞ് മൂവാറ്റുപുഴ ഹോളി മാഗി പള്ളി അങ്കണത്തിൽ കലാകേളികളും അരങ്ങേറും.