മൂവാറ്റുപുഴ: ഗാന്ധി ജയന്തി ദിനത്തിൽ മൂവാറ്റുപുഴ പൊലീസ് സ്റ്റേഷൻ കോംപ്ലക്സിലെ മുഴുവൻ പൊലീസ് ഉദ്യോഗസ്ഥർക്കായി പേഴക്കാപ്പിള്ളി സബൈൻ ഹോസ്പിറ്റലിന്റെ നേതൃത്വത്തിൽ രക്ത പരിശോധനയും രോഗനിർണയ ക്യാമ്പും നടത്തി. മൂവാറ്റുപുഴ ഡിവൈ.എസ്.പി പി.എം ബൈജു ഉദ്ഘാടനം ചെയ്തു. ഉദ്യോഗസ്ഥർക്ക് ആശുപത്രി നൽകുന്ന പ്രവിലേജ് കാർഡിന്റെ വിതരണോദ്ഘാടനവും അദ്ദേഹം നിർവഹിച്ചു. ഇൻസ്പെക്ടർ ബേസിൽ തോമസ് അദ്ധ്യക്ഷനായി. സബൈൻ ഹോസ്പിറ്റൽ സി.ഇ.ഒ പ്രവീൺ കുമാർ അർജുൻ, സബ് ഇൻസ്പെക്ടർ വിഷ്ണു രാജു, സ്റ്റേഷൻ പബ്ലിക് റിലേഷൻസ് ഓഫീസർ സിബി അച്യുതൻ, ദിലീപ് കുമാർ എന്നിവർ സംസാരിച്ചു.