തൃപ്പൂണിത്തുറ: പൂത്തോട്ട എസ്.എൻ.ഡി.പി. യൂത്ത് മൂവ്മെന്റിന്റെ നേതൃത്വത്തിൽ ഗുരുവർഷത്തോട് അനുബന്ധിച്ച് നടത്തപ്പെടുന്ന നവരാത്രി ആഘോഷങ്ങൾ സംഗീതജ്ഞൻ തൃപ്പൂണിത്തുറ എൻ. രാധാകൃഷ്ണൻ ഉദ്ഘാടനം ചെയ്തു. എസ്.എൻ.ഡി.പി. യോഗം പൂത്തോട്ട ശാഖ പ്രസിഡന്റ് എ.ഡി. ഉണ്ണികൃഷ്ണൻ അദ്ധ്യക്ഷനായി. യൂത്ത്മൂവ്മെന്റ് പ്രസിഡൻ് എ.എസ്. സുജിത്ത്, ശ്രീനാരായണ വല്ലഭ ക്ഷേത്രം ശാന്തി സജീവൻ, ഗുരുദർശന പഠന കേന്ദ്രം ആചാര്യൻ പരമേശ്വരൻ,​ ശ്രീനാരായണ ഇൻസ്റ്റിറ്റ്യൂഷൻസ് അഡ്വൈസർ ഇ.എൻ. മണിയപ്പൻ, ശാഖാ വൈസ് പ്രസിഡന്റ് പി.ആർ.അനില, സെക്രട്ടറി അരുൺ കാന്ത്, യൂണിയൻ കമ്മിറ്റിയംഗം അഭിലാഷ് കൊല്ലംപറമ്പിൽ, യൂത്ത് മൂവ്മെന്റ് സെക്രട്ടറി എ.സി. രാഹുൽ എന്നിവർ സംസാരിച്ചു.