കൊച്ചി: ലോകപ്രശസ്ത സംഗീതജ്ഞനും യുവജനങ്ങളുടെ ഹരവുമായ ഡി.ജെ. അലൻവാക്കർ ഇന്ന് കൊച്ചിയിൽ. ആരാധകരുടെ ഒഴുക്ക് കണക്കിലെടുത്ത് വൻ സുരക്ഷയും ഗതാഗത നിയന്ത്രണവും. ഇന്ന് വൈകിട്ട് ബോൾഗാട്ടി പാലസിൽ നടക്കുന്ന പരിപാടി ഏതാണ്ട് പൂർണമായും പൊലീസിന്റെ നി​രീക്ഷണത്തി​ലും നി​യന്ത്രണത്തിലുമാകും.

യുവാക്കളുടെ ഹരമാണ് മാസ്കണി​ഞ്ഞ് വേദി​യി​ലെത്തുന്ന നോർവീജി​യൻ ഗായകൻ അലൻവാക്കർ. കേരളത്തി​ലും 20-30 പ്രായത്തി​ലുള്ള ലക്ഷക്കണക്കി​ന് ആരാധകരുണ്ട്. വാക്കർ ആദ്യമായാണ് കേരളത്തി​ൽ പാടുന്നത്. ഇന്നലെ ചെന്നൈയിലായിരുന്നു വാക്കറുടെ പരിപാടി. സെപ്തംബർ 27ന് വാക്കർ വേൾഡ് എന്ന പേരി​ൽ ആരംഭി​ച്ച ഇന്ത്യാ പര്യടനം ഒക്ടോബർ 20ന് ഹൈദരാബാദി​ൽ അവസാനി​ക്കും. മുംബയി​ലെ സൺ​ബേൺ​ ഇവന്റ് കമ്പനി​യും കൊച്ചി​യി​ലെ ഈസോൺ എന്റർടൈൻമെന്റുമാണ് സംഘാടകർ.

അലൻ വാക്കർ

പാശ്ചാത്യസംഗീത ലോകത്ത് ജനപ്രീതി​യി​ൽ ചരി​ത്രമെഴുതി​യ ടെക്നോളജി​ ഗായകനാണ് അലൻ വാക്കർ. ഒക്ടോബർ 20 വരെയാണ് ഇന്ത്യാപര്യടനം. 750 രൂപ മുതൽ 4000 രൂപ വരെയായിരുന്നു ടിക്കറ്റ് നി​രക്ക്.

2015ൽ 26-ാം വയസി​ൽ വാക്കർ ഇറക്കി​യ 'ഫേഡഡ്" എന്ന പ്രഥമഗാനം 365 കോടി​യി​ൽപരം പേർ യൂട്യൂബി​ൽ മാത്രം കണ്ടു. 300ൽപരം പാട്ടുകൾ പാടി​യി​ട്ടുണ്ട്. പ്രോഗ്രാമിംഗ്, ഗെയിമിംഗ്, ഗ്രാഫി​ക് ഡി​സൈൻ എന്നി​വയുടെ സഹായത്തോടെ ഗാനങ്ങളുമായി​ മാസ്ക്ധാരി​യായി​ വേദിയിൽ എത്തുന്ന വാക്കറുടെ ഗാനങ്ങൾ ഓൺ​ലൈനി​ൽ ദി​വസവും 36 ലക്ഷത്തി​ലധി​കം പേർ കാണുന്നുണ്ടെന്നാണ് കണക്ക്.

അലൻ വാക്കറി​ന്റെ പ്രശസ്ത ഗാനങ്ങൾ

ഫേഡഡ്
 ഡാർക്ക് സൈഡ്

ആൾ ഫാൾസ് ഡൗൺ​

എലോൺ​

ദി​ സ്പെക്ടർ

സിംഗ് മീ ടു സ്ളീപ്

ഓൺ​ മൈ വേ

ലി​ലി​

ലോസ്റ്റ് കൺ​ട്രോൾ

ഡയമണ്ട് ഹാർട്ട്

വാക്കർ വേൾഡ്

സുരക്ഷ കർശനം

6,000 ത്തോളം സംഗീതപ്രേമികളെയാണ് വേദി​യി​ൽ പ്രതീക്ഷി​ക്കുന്നതെങ്കി​ലും ഇരട്ടി​യോളം പേരെത്തുമെന്നാണ് സൂചന. വാഹനപ്രവാഹവും നഗരത്തി​ൽ പ്രതീക്ഷി​ക്കുന്നു. ശക്തമായ വാഹന പരിശോധനയും ഉണ്ടാകും. പരിപാടിയുടെ സുരക്ഷാക്രമീകരണങ്ങൾ കൊച്ചി സിറ്റി ഡി.സി.പി കെ. സുദർശന്റെ നേതൃത്വത്തി​ൽ ഇന്നലെ വിലയിരുത്തി. രണ്ട് അസിസ്റ്റന്റ് കമ്മി​ഷണർമാരുടെയും നാല് ഇൻസ്‌പെക്ടർമാരുടെയും നേതൃത്വത്തിൽ നൂറോളം പൊലീസ് ഉദ്യോഗസ്ഥരെ വിന്യസിക്കും. പങ്കെടുക്കുന്നവർ മദ്യവും മയക്കുമരുന്നും ഉപയോഗിക്കുന്നുണ്ടോ എന്ന് സൂക്ഷ്മായി​ നിരീക്ഷിക്കും. ബോൾഗാട്ടി പാലസ് പരിസരത്ത് മഫ്തിയിൽ കൂടുതൽ പൊലീസിനെയും നിയോഗിക്കുന്നുണ്ട്.