കൊച്ചി: ഐ.എം.എ കൊച്ചി ബ്ലഡ് ബാങ്കിന്റെ നേതൃത്വത്തിൽ സംഘടിപ്പിക്കുന്ന ദേശീയ രക്തദാന വാരാചരണ ആഘോഷത്തിന്റെ സമാപനം ഇന്ന് കലൂർ ഐ.എം.എ ഹൗസിൽ നടക്കും. രാവിലെ 10ന് നടക്കുന്ന സമാപന സമ്മേളനം ബെന്നി ബെഹനാൻ എം.പി ഉദ്ഘാടനം ചെയ്യും. അവാർഡുകളുടെ വിതരണവും ചടങ്ങിൽ നിർവഹിക്കും. ഐ.എം.എ ബ്ലഡ് ബാങ്ക് കൊച്ചി ചെയർമാൻ ഡോ. കെ. നാരായണൻകുട്ടി അദ്ധ്യക്ഷത വഹിക്കും. ഐ.എം.എ കൊച്ചി പ്രസിഡന്റ് ഡോ. ജേക്കബ് അബ്രാഹം, ഐ.എം.എ ബ്ലഡ് ബാങ്ക് സെക്രട്ടറി ഡോ. എം.ഐ. ജുനൈദ് റഹ്മാൻ, മെഡിക്കൽ ഓഫിസർ ഡോ. രമാ മേനോൻ തുടങ്ങിയവർ സംസാരിക്കും.