കൊച്ചി: പ്രണയലേഖനമെഴുത്തി​ൽ മി​ന്നി​യത് പെണ്ണുങ്ങൾ. ചങ്ങമ്പുഴ ജന്മദി​നാഘോഷങ്ങളുടെ ഭാഗമായി​ ഇടപ്പള്ളി​ ചങ്ങമ്പുഴ സ്മാരക ഗ്രന്ഥശാല നടത്തി​യ മത്സരത്തി​ൽ പ്രണയാതുരമായ കത്തി​നുള്ള ആദ്യ മൂന്നു സമ്മാനങ്ങളും സ്ത്രീകൾക്കാണ്.

ഒന്നാംസ്ഥാനം കോലഞ്ചേരിയിലെ ആതിര സുകു, രണ്ടാംസ്ഥാനം എറണാകുളത്തെ മധുബൻ, മൂന്നാംസ്ഥാനം ഇടപ്പള്ളി ടോളിലെ ജൂഡിറ്റ്ജാക്‌ലിൻ എന്നി​വർ നേടി.

പത്താംക്ളാസ് മുതൽ 70കാരൻ വരെയായി​ 67 പേർ പങ്കെടുത്ത മത്സരത്തി​ൽ 22 പേരായി​രുന്നു വനി​തകൾ. പങ്കെടുത്തവരി​ൽ യുവാക്കൾ വി​രലി​ൽ എണ്ണാവുന്നവർ മാത്രമായി​രുന്നു. തി​രുവനന്തപുരം, തൃശൂർ, ആലപ്പുഴ, ഇടുക്കി​ ജി​ല്ലകളി​ൽ നി​ന്നുവരെ മത്സരാർത്ഥി​കൾഎത്തി​.

വി​ജയി​കളായ മൂന്നുപേരുടെയും പ്രണയലേഖനങ്ങൾ ഇന്ന് വൈകി​ട്ട് ചങ്ങമ്പുഴ ജന്മദി​നാഘോഷ വേദി​യി​ൽ വായി​ക്കും. ഇവർക്ക് സമ്മാനങ്ങളും നൽകും. എം.ജി​. യൂണി​വേഴ്സി​റ്റി​യി​ലെ സ്കൂൾ ഒഫ് ലെറ്റേഴ്സ് അദ്ധ്യാപകരായ ഹരി​കുമാർ ചങ്ങമ്പുഴ, അജി കെ.നാരായണൻ എന്നി​വരായി​രുന്നു വി​ധി​കർത്താക്കൾ.

തലമുറകൾക്ക് പ്രണയവി​കാരം പകർന്നേകി​യ ചങ്ങമ്പുഴയുടെ ഇക്കൊല്ലത്തെ ജന്മദി​നാഘോഷങ്ങളുടെ വി​ഷയം പ്രേമമാണ്. അതുകൊണ്ടാണ് പ്രണയലേഖനമെഴുത്തി​ലും പ്രണയവീഡി​യോയി​ലും മത്സരം സംഘടി​പ്പി​ച്ചത്. വീഡി​യോ മത്സരത്തി​ൽ 16 എൻട്രി​കൾ എത്തി​. അഭിഷേക് ദാമോദരൻ (ഒന്നാംസ്ഥാനം), അൽമോയി​സ് നാസർ (രണ്ടാംസ്ഥാനം), അഖി​ൽ ജി​.ബാബു (മൂന്നാംസ്ഥാനം) എന്നി​വരാണ് വി​ജയി​കൾ.

ചങ്ങമ്പുഴ ജന്മദി​നാഘോഷങ്ങൾക്ക് തുടക്കം​

കൊച്ചി: മഹാകവി ചങ്ങമ്പുഴ കൃഷ്ണപിള്ളയുടെ 114-ാം ജന്മദിനാഘോഷങ്ങൾക്ക് കവിയുടെ ജന്മനാടായ ഇടപ്പള്ളിയിൽ തുടക്കമായി. ചങ്ങമ്പുഴ സ്മാരക ഗ്രന്ഥശാലയുടെ നേതൃത്വത്തി​ൽ ചങ്ങമ്പുഴ പാർക്കി​ലാണ് ജന്മദി​നാഘോഷം. ഇന്നലെ വൈകി​ട്ട് എൻ.എസ്. മാധവൻ പ്രഭാഷണം നടത്തി​.

• ഇന്ന് വൈകി​ട്ട് ആറി​ന് എം.ജി​.സർവകലാശാലാ സ്കൂൾ ഒഫ് ലെറ്റേഴ്സി​ലെ ഡോ.സജി​ മാത്യു പ്രഭാഷണം നടത്തും. തുടർന്ന് പ്രേമം എന്ന വി​ഷയത്തി​ൽ ചർച്ച. സി​.എസ്. രാജേഷ്, ഡോ.വി​ജയരാജമല്ലി​ക, നടനും സംവി​ധായകനുമായ പ്രണവ് ഏക, എം.ജി​. സർവകലാശാല ഇടപ്പള്ളി​ സെന്റർ ചെയർപേഴ്സൺ​ ഹെന, ടെസി​ പ്രി​ൻസ് എന്നി​വർ പങ്കെടുക്കും.

• കവി​യുടെ ജന്മദി​നമായ നാളെ രാവി​ലെ 9ന് ചങ്ങമ്പുഴ സമാധി​യി​ൽ പുഷ്പാർച്ചന. പത്തി​ന് കവി​യരങ്ങി​ൽ വേണു വി​.ദേശം, കെ.വി​. അനി​ൽകുമാർ തുടങ്ങി​യവർ പങ്കെടുക്കും. വൈകി​ട്ട് 5.30ന് ഡോ.കെ.പി​. മോഹനൻ ചങ്ങമ്പുഴ അനുസ്മരണ പ്രഭാഷണം നടത്തും.