തൃപ്പൂണിത്തുറ: ദേശീയപാതയിൽ വരിക്കോലിക്ക് സമീപം ഓട്ടോറിക്ഷയിടിച്ച് പരിക്കേറ്റ് ചികിത്സയിലായിരുന്ന കോതമംഗലം ചെറിയപള്ളിയിലേക്കുള്ള കാൽനട തീർത്ഥാടകൻ മരിച്ചു. കഴിഞ്ഞ രണ്ടിന് കരിങ്ങാച്ചിറയിൽനിന്ന് പുറപ്പെട്ട തീർത്ഥയാത്രയിൽ അംഗമായിരുന്ന കരിങ്ങാച്ചിറ തേവറാനിക്കൽ ടി.പി. ജോർജാണ് (61) മരിച്ചത്. തലയ്ക്ക് ഗുരുതരമായി പരിക്കേറ്റ് എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിലിരിക്കെ ഇന്നലെ രാവിലെയായിരുന്നു അന്ത്യം. സംസ്കാരം ഇന്ന് രാവിലെ 11ന് ഓണക്കൂർ സെഹിയോൻ യാക്കോബായ സുറിയാനിപള്ളി സെമിത്തേരിയിൽ. മുൻ പത്രം ഏജന്റാണ്. ഭാര്യ: ബീന. മക്കൾ: ബേസിൽ (നേവൽബേസ്), ജിജി. മരുമക്കൾ: ഐശ്വര്യ, പ്രതീഷ് (യു.കെ).