തൊടുപുഴ: കോതായിക്കുന്നിലെ സ്വകാര്യ ബസ് സ്റ്റാൻഡിൽ വയോധികൻ ബസിനടിയിൽപ്പെട്ട് മരിച്ചു. കോതമംഗലം മലയൻകീഴ് അമ്മാപറമ്പിൽ ചാലിൽ എ.എ. കുട്ടപ്പനാണ് (68) മരിച്ചത്. ചൊവ്വാഴ്ച വൈകിട്ട് ആറോടെയായിരുന്നു സംഭവം.

തൊടുപുഴ- മൂവാറ്റുപുഴ റൂട്ടിൽ സർവീസ് നടത്തുന്ന ബസിന് സമീപമാണ് കുട്ടപ്പൻ നിന്നിരുന്നത്. സ്റ്റാൻഡിൽനിന്ന് ബസെടുത്ത സമയം കുട്ടപ്പൻ ബസിനടിയിലേക്ക് വീഴുകയായിരുന്നു. ബസ് കുട്ടപ്പന്റെ ദേഹത്തുകൂടി കയറിയിറങ്ങി സംഭവസ്ഥലത്ത് വച്ചുതന്നെ മരിച്ചു. മൃതദേഹം തൊടുപുഴ ജില്ലാ ആശുപത്രി മോർച്ചറിയിൽ,
ഭാര്യ: വിജയ. മക്കൾ: ഉണ്ണിമോൾ, കൃഷ്ണപ്രിയ. മരുമക്കൾ: വിനോഷ്, അനു.