കൊച്ചി: മഹാകവി ചങ്ങമ്പുഴ കൃഷ്ണപിള്ളയുടെ 114-ാമത് ജന്മദിനം എറണാകുളം സാംസ്കാരികവേദിയുടെ ആഭിമുഖ്യത്തിൽ മകൾ ലളിത ചങ്ങമ്പുഴയുടെ പുതുക്കലവട്ടത്തെ വസതിയിൽ നടത്തി. പ്രസാദവിതരണം നടത്തിയും ചങ്ങമ്പുഴയുടെ കവിതകൾ ആലപിച്ചും കുടുംബവിശേഷങ്ങൾ പങ്കുവച്ചുമായിരുന്നു ചടങ്ങ്. വേദി​ പ്രസി​ഡന്റ് ഏലൂർ ഗോപിനാഥ്, കെ.കെ. വാമലോചനൻ, പി. ജി. മനോജ്കുമാർ, കെ.ജി. രാധാകൃഷ്ണൻ, കവി വേണു നാഗലശേരി, ശ്രീകുമാർ നേരിയംകോട്, ശിവദാസ് കോട്ടയിൽ, രാധാകൃഷ്ണൻ പാറപ്പുറം എന്നിവർ പങ്കെടുത്തു.