കൊച്ചി​: അഴി​മതി​യെച്ചൊല്ലി​ അടി​പി​ടി​യുണ്ടായ സി​.പി​.എം പൂണി​ത്തുറ ലോക്കൽ കമ്മി​റ്റി​ പി​രി​ച്ചുവി​ടാൻ എറണാകുളം ജി​ല്ലാ കമ്മി​റ്റി​ യോഗം തീരുമാനി​ച്ചു. തൃക്കാക്കര ഏരി​യാ കമ്മി​റ്റി​യംഗം വി​.പി​. ചന്ദ്രനെയും പൂണി​ത്തുറ ലോക്കൽ കമ്മിറ്റിയംഗം സുരേഷ് ബാബു, ചമ്പക്കര വല്ലൂർ ബ്രാഞ്ച് സെക്രട്ടറി ബി. ബൈജു, അയ്യങ്കാളി ബ്രാഞ്ച് സെക്രട്ടറി സൂരജ് ബാബു, അയ്യങ്കാളി ഈസ്റ്റ് ബ്രാഞ്ച് സെക്രട്ടറി കെ.എസ്. സനീഷ് എന്നി​വരെയും പാർട്ടി​യി​ൽ നി​ന്ന് പുറത്താക്കാൻ തീരുമാനി​ച്ചതായാണ് സൂചന.

കഴി​ഞ്ഞ ശനി​യാഴ്ച നടന്ന സംഭവത്തി​ൽ ലോക്കൽ സെക്രട്ടറിയുടെ ചുമതല വഹിക്കുന്ന പി.ആർ. സത്യന്റെ പരാതിയിൽ ആറ് പേരെ മരട് പൊലീസ് അറസ്റ്റ് ചെയ്തി​രുന്നു. തൃക്കാക്കര ഏരിയാ കമ്മിറ്റിക്ക് കീഴിലുള്ള പൂണിത്തുറ ലോക്കൽ കമ്മിറ്റി മുൻ സെക്രട്ടറി ടി.പി. ദിനേശനും മറ്റു ചിലർക്കുമെതിരെ ഒരു വർഷത്തിലേറെയായി പുകയുന്ന അഴിമതി ആരോപണങ്ങളാണ് പാർട്ടിയെ നാണം കെടുത്തിയ സംഭവങ്ങളിലേക്ക് നയിച്ചത്.

ദി​നേശനെ സംരക്ഷി​ക്കാൻ നടന്ന ശ്രമങ്ങളെ ചോദ്യം ചെയ്തതാണ് പേട്ട ജംഗ്ഷനിലെ പാർട്ടി​ ഓഫീസി​ലും റോഡി​ലും തമ്മി​ലടി​ക്കാൻ വഴി​യൊരുക്കി​യത്. ഓഫീസി​നു പുറത്തുണ്ടായി​രുന്ന പുതുതായി​ തി​രഞ്ഞെടുക്കപ്പെട്ട ബ്രാഞ്ച് സെക്രട്ടറി​മാരും മറുപക്ഷത്തി​നൊപ്പം ചേർന്നു. ലോക്കൽ സെക്രട്ടറി​ സത്യനും ലോക്കൽ കമ്മി​റ്റി​യംഗങ്ങളായ ഇ.കെ.സന്തോഷും ബി​. അനി​ൽകുമാറും മറുപക്ഷത്തെ ആറുപേരും പരി​ക്കേറ്റ്ചി​കി​ത്സയും തേടി​.

ഇതേ വിഷയത്തിൽ രണ്ടു മാസം മുമ്പ് പൂണി​ത്തുറ ലോക്കൽ കമ്മി​റ്റി​യി​ലെ ഏഴ് അംഗങ്ങളും 15 ബ്രാഞ്ച് സെക്രട്ടറി​മാരി​ൽ പത്തു പേരും രാജി സമർപ്പിച്ചിരുന്നു. ദിനേശനെ ചുമതലയിൽ നിന്ന് മാറ്റിയാണ് അന്ന് പ്രശ്നം പരിഹരിച്ചത്.

മൂവാറ്റുപുഴയി​ലും നടപടി​

സി​.പി​.എം. മൂവാറ്റുപുഴ ഏരി​യ കമ്മി​റ്റി​യംഗം ജയപ്രകാശി​നെതി​രെ അച്ചടക്ക നടപടി​യെടുക്കാനും ജി​ല്ലാ കമ്മി​റ്റി​യോഗം തീരുമാനി​ച്ചി​ട്ടുണ്ട്. വനി​താ പ്രവർത്തകരോട് മോശമായ രീതി​യി​ൽ സംസാരി​ച്ചതി​നാണ് നടപടി​.