മൂവാറ്റുപുഴ: പൊതുവിദ്യാഭ്യാസ വകുപ്പിന്റെ ആഭിമുഖ്യത്തിൽ വിദ്യാരംഗം കലാസാഹിത്യവേദി സംഘടിപ്പിച്ച മൂവാറ്റുപുഴ ഉപജില്ലാ സർഗോത്സവം 2024 ചരിത്രകാരൻ മോഹൻദാസ് സൂര്യനാരായണൻ ഉദ്ഘാടനം ചെയ്തു. കാവുങ്കര കെ.എം.എൽ.പി സ്കൂളിൽ നടന്ന ചടങ്ങിൽ വാർഡ് കൗൺസിലർ നജ്ല ഷാജി അദ്ധ്യക്ഷയായി. വിദ്യാരംഗം ഉപജില്ല കൺവീനർ എ.വി. ജയലക്ഷ്മി, കെ.എം.എൽ.പി സ്കൂൾ മാനേജർ വി.കെ. അബ്ദുൽ സലാം, എച്ച്.എം ഫോറം കൺവീനർ എം.കെ. മുഹമ്മദ്, പി.ടി.എ വൈസ് പ്രസിഡന്റ് വി.എ. ഷമീർ, എം.പി.ടി.എ. ചെയർപേഴ്സൺ സൽമ നൗഷാദ് എന്നിവർ പ്രസംഗിച്ചു. തസ്മിൻ ഷിഹാബിനും മോഹൻദാസ് സൂര്യനാരായണനും ഉപഹാരങ്ങൾ നൽകി. തുടർന്ന് നടന്ന ശില്പശാലകൾക്ക് എൻ. ജി. കൃഷ്ണൻകുട്ടി, കെ.എസ്. സുനിൽകുമാർ, ശ്രീജ പി. ദാസ്, വി.ടി. രതീഷ്, ജിനീഷ് ലാൽ രാജ്, തസ്മിൻ ഷിഹാബ് എന്നിവർ നേതൃത്വം നൽകി. ശില്പശാലകളിൽ അമ്പത്തിനാല് സ്കൂളുകളിൽ നിന്നായി മുന്നൂറോളം വിദ്യാർത്ഥികൾ പങ്കെടുത്തു. മികച്ച അദ്ധ്യാപികയ്ക്കുള്ള സംസ്ഥാന അവാർഡ് നേടിയ തസ്മിൻ ഷിഹാബിനെ ആദരിച്ചു.