ആലുവ: എടയാർ വ്യവസായ മേഖലയിൽ എ.കെ. കെമിക്കൽസി​ൽ തീപിടി​ത്തം. വ്യാവസായിക ആവശ്യത്തിനായി ശേഖരിച്ചിരുന്ന സൾഫറിന് തീപിടിക്കുകയായിരുന്നു. ഇന്നലെ വൈകിട്ട് നാലോടെയായിരുന്നു സംഭവം. ഏലൂരിൽനിന്ന് അഗ്നിശമനസേനയുടെ മൂന്ന് യൂണിറ്റെത്തിയാണ് തീയണച്ചത്. ആർക്കും പരിക്കില്ല. പെരിയാറിലേക്ക് മാലിന്യമൊഴുക്കിയതിന് മാസങ്ങൾക്കുമുമ്പ് മലിനീകരണ നിയന്ത്രണബോർഡ് അടച്ചുപൂട്ടൽ നോട്ടീസ് നൽകിയ കമ്പനിയാണിത്.