കൊച്ചി: എൽ.ഐ.സി ഏജന്റുമാർക്കെല്ലാം ഇ.എസ്.ഐ ആരോഗ്യ പരിരക്ഷ ഏർപ്പെടുത്താൻ കേന്ദ്രധനകാര്യ മന്ത്രി​ നി​ർമ്മല സീതാരാമൻ ലൈഫ് ഇൻഷ്വറൻസ് കോർപ്പറേഷന് നിർദ്ദേശം നൽകി​യതായി​ ബി.എം.എസ് ഇൻഷ്വറൻസ് സെക്ടർ സംഘടനാ നേതാക്കൾ അറി​യി​ച്ചു. കഴി​ഞ്ഞദി​വസം പൊതുമേഖലാ ഇൻഷ്വറൻസ് കമ്പനി​കളുടെ ഏജന്റുമാരുടെ ബി​.എം.എസി​ന് കീഴി​ലുള്ള സംഘടനാ നേതാക്കളുമായി​ നടത്തി​യ ചർച്ചയി​ലാണ് കേന്ദ്രമന്ത്രി​ ഇക്കാര്യം അറി​യി​ച്ചത്. ബി​.എം.എസ് ഓർഗനൈസിംഗ് സെക്രട്ടറി ബി. സുരേന്ദ്രന്റേ നേതൃത്വത്തി​ലായി​രുന്നു ലൈഫ് ഇൻഷ്വറൻസ് മേഖലയിലും ജനറൽ ഇൻഷ്വറൻസ് മേഖലയിലും നേരിടുന്ന വിവിധ വിഷയങ്ങളിൽ

ചർച്ച.

എൽ.ഐ.സി. ഏജന്റുമാരുടെ പ്രഥമവർഷ കമ്മീഷൻ കുറക്കൽ, കമ്മീഷൻ തിരിച്ചുപിടിക്കുവാനുള്ള നീക്കം, ഗ്രാറ്റുവി​റ്റി​ റി​വി​ഷൻ, വെൽഫെയർ ബോർഡ്‌ തുടങ്ങി​യ കാര്യങ്ങൾ നേതാക്കൾ നി​ർമ്മലാ സീതാരാമന് മുന്നി​ൽ അവതരി​പ്പി​ച്ചു. പ്രഭാരിമാരായ ഗിരീഷ് ആര്യ, സോമേഷ് ബിശ്വാസ്, ബി.എൽ.ഐ.എ.എസ് നാഷണൽ ജനറൽ സെക്രട്ടറി ജെ. വിനോദ്കുമാർ, സി​യാദ് എന്നിവർ പങ്കെടുത്തു.