മൂവാറ്റുപുഴ: കൂത്തുപറമ്പ് രക്തസാക്ഷികളെ അപമാനിച്ച മാത്യു കുഴൽനാടൻ എം.എൽ.എയ്ക്കെതിരെ ഡി.വൈ.എഫ്.ഐ മൂവാറ്റുപുഴ ബ്ലോക്ക് കമ്മിറ്റിയുടെ നേതൃത്വത്തിൽ എം.എൽ.എ ഓഫീസിലേക്ക് മാർച്ച് സംഘടിപ്പിച്ചു. എസ്തോസ് ഭവനിൽ നിന്ന് ആരംഭിച്ച മാർച്ച് കച്ചേരിത്താഴത്ത് എത്തിയപ്പോൾ പൊലീസ് തടഞ്ഞു. തുടർന്ന് നടന്ന പ്രതിഷേധ യോഗം ഡി.വൈ.എഫ്.ഐ ജില്ലാ സെക്രട്ടറി എ .ആർ. രഞ്ജിത്ത് ഉദ്ഘാടനം ചെയ്തു. ജില്ലാ പ്രസിഡന്റ്‌ അനീഷ് എം മാത്യു, സംസ്ഥാന സെക്രട്ടറിയേറ്റംഗം മീനു സുകുമാരൻ, സംസ്ഥാന കമ്മിറ്റി അംഗം അഡ്വ. നിഖിൽ ബാബു, സി.പി.എം ഏരിയ സെക്രട്ടറി കെ.പി. രാമചന്ദ്രൻ, ഷിജോ എബ്രഹാം, പി.എ. അഷ്കർ, അരുൺ അശോകൻ, ഫെബിൻ പി. മൂസ, എം.എ. റിയാസ്ഖാൻ, എൽദോസ് ജോയ് എന്നിവർ സംസാരിച്ചു.