പിറവം: പിറവം ഉപജില്ല സ്കൂൾ ശാസ്ത്രമേള പിറവം സെന്റ് ജോസഫ്സ് ഹൈസ്കൂളിൽ നഗരസഭ ചെയർപേഴ്സൺ അഡ്വ. ജൂലി സാബു ഉദ്ഘാടനം ചെയ്തു. വൈസ് ചെയർമാൻ കെ.പി. സലിം അദ്ധ്യക്ഷനായി. സ്ഥിരം സമിതി അദ്ധ്യക്ഷരായ വത്സല വർഗീസ്, ജൂബി പൗലോസ്, ജിൽസ് പെരിയപ്പുറം, അഡ്വ. ബിമൽ ചന്ദ്രൻ, പ്രധാനാദ്ധ്യാപകരായ ദാനിയേൽ തോമസ്, കെ.ജി. സിൻഡ്രല്ല എന്നിവർ സംസാരിച്ചു. 14,16 തീയതികളിൽ പിറവം സെന്റ് ജോസഫ്സ് എച്ച്.എസ്, എം.കെ.എം.എച്ച്.എസ്.എസ്, ഗവ. ഹൈസ്‌കൂൾ, ഫാത്തിമാതാ എച്ച്.എസ് എന്നിവിടങ്ങളാണ് വേദികൾ. 48 സ്‌കൂളുകളിൽ നിന്നായി 1500 ഓളം കുട്ടികൾ പങ്കെടുക്കും.