മൂവാറ്റുപുഴ: മൂവാറ്റുപുഴ നഗരസഭ സ്റ്റേഡിയത്തിൽ നടന്നുവരുന്ന ഉപജില്ലാ സ്കൂൾ കായികമേളയുടെ സീനിയർ വിഭാഗം മത്സരങ്ങൾ സമാപിച്ചു. സമാപന സമ്മേളനം നഗരസഭ വൈസ് ചെയർപേഴ്സൺ സിനി ബിജു ഉദ്ഘാടനം ചെയ്തു. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ പി.എം. അബ്ദുൾ സലാം അദ്ധ്യക്ഷനായി. ക്ഷേമ കാര്യ സ്റ്റാൻഡിംഗ് കമ്മിറ്റി അദ്ധ്യക്ഷ നിസ അഷറഫ്, എബനേസർ സ്കൂൾ ഹെഡ്മിസ്ട്രസ് ജീമോൾ കെ. ജോർജ്, കായിക അദ്ധ്യാപകരായ ജെയ്സൺ പി. ജോസഫ് , എൽദോ കുര്യാക്കോസ്, ഉപജില്ല സ്പോർട്സ് സെക്രട്ടറി കെ.പി. അസീസ്, എച്ച്.എം ഫോറം കൺവീനർ എം.കെ. മുഹമ്മദ് , വാക്കിംഗ് ക്ലബ് പ്രസിഡന്റ് പി.എ. സുബൈർ തുടങ്ങിയവർ പങ്കെടുത്തു. വീട്ടൂർ എബനേസർ ഹയർ സെക്കൻഡറി സ്കൂൾ 321 പോയിന്റുമായി ഓവറോൾ ചാമ്പ്യൻഷിപ്പ് കരസ്ഥമാക്കി. 159 പോയിന്റുമായി സെന്റ് അഗസ്റ്റിൻ ഗേൾസ് ഹയർ സെക്കൻഡറി സ്കൂളും 33 പോയിന്റുമായി മാർ സ്റ്റീഫൻ ഹയർ സെക്കൻഡറി സ്കൂളും യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി. എൽ.പി വിഭാഗം മത്സരങ്ങൾ പിന്നീട് സമാപിക്കും.