കൊച്ചി: കളമശേരിയിൽ ഇന്ന് 16 പേർ കണ്ണുകൾ മൂടിക്കെട്ടി മൂന്നു കി​ലോമീറ്റർ ബൈക്കോടിക്കൽ പ്രദർശനം നടത്തും. കളമശേരിയിലെ കേരള സ്കൂൾ ഒഫ് മെന്റലിസത്തിന്റെ ആഭിമുഖ്യത്തിലാണ് മെന്റലിസ്റ്റ് ആദിലിന്റെ നേതൃത്വത്തിൽ ഈ അപൂർവപ്രകടനം. സീപോർട്ട് - എയർപോർട്ട് റോഡിന്റെ നിർമ്മാണം പൂർത്തിയായ കളമശേരി എച്ച്.എം.ടിയിലെ ഭാഗത്താണ് 16 പേർ നിരന്ന് കണ്ണുകെട്ടി ബൈക്കോടിക്കുക. ഒന്നര കിലോമീറ്റർ സഞ്ചരിച്ച് തിരികെ പുറപ്പെട്ടയിടത്തെത്തും. വൈകിട്ട് നാലിനാരംഭിക്കും. 20 മി​നി​റ്റി​നുള്ളി​ൽ പൂർത്തി​യാക്കും. 18 മുതൽ 45വരെ പ്രായമുള്ള, സംസ്ഥാനത്തി​ന്റെ എല്ലാ ഭാഗത്തു നി​ന്നുള്ളവരും പങ്കെടുക്കുന്നുണ്ടെന്ന് മെന്റലി​സ്റ്റ് ആദി​ൽ പറഞ്ഞു. മൂന്നുപേർ വനി​തകളാണ്. മോട്ടോർവാഹന വകുപ്പി​ന്റെയും പൊലീസി​ന്റെയും അനുമതി​ വാങ്ങി​യി​ട്ടുണ്ടെന്ന് ആദി​ൽ പറഞ്ഞു.