മൂവാറ്റുപുഴ: കെ.എസ്.ബി.എ മൂവാറ്റുപുഴ താലൂക്ക് വാർഷിക സമ്മേളനം ഇന്ന് രാവിലെ 10ന് വാഴപ്പിള്ളി ഭാരത് ടൂറിസ്റ്റ് ഹോമിൽ സംസ്ഥാന സെക്രട്ടറി കെ.എൻ. അനിൽ ബിശ്വാസ് ഉദ്ഘാടനം ചെയ്യും. താലൂക്ക് പ്രസിഡന്റ് കെ.കെ. രാജു അദ്ധ്യക്ഷനാകും. ജില്ലാ പ്രസിഡന്റ് പി.കെ. ബാബു,​ താലൂക്ക് സെക്രട്ടറി വി.എ. ഷക്കീർ,​ ജില്ലാ ട്രഷറർ എം.ജെ അനു, ലേഡി ബ്യൂട്ടീഷ്യൻസ് സംസ്ഥാന ഉപാദ്ധ്യക്ഷ സാലി ഷിബു,​ താലൂക്ക് ട്രഷറർ കെ.എം. അബ്ദുൾസലാം തുടങ്ങിയവർ പങ്കെടുക്കും. സമ്മേളനത്തിൽ മുതിർന്ന അംഗങ്ങളെ ആദരിക്കും.